Иворчиос пегӟизы тэле

Удмурт Дунне
By Удмурт Дунне 19 июля, 2011 11:08
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Иворчиос пегӟизы тэле

Шаерысьтымы ёросъёсысь иворчиос кылем шутэтскон нуналъёссэс ортчытӥзы Иж сьӧрысь «Лесная сказка» центрын. Татын ортчиз «Быдэс Удмуртия — 2011» фестиваль. Огдырлы бакчаоссэс кельтыса, емыш бичанзэс вунэтыса, соос сак кылзӥськизы Москваысь дышетӥсез — калыккуспо  ужпумъёсты возьматӥсь журналистэз Кипрас Мажейкаез. Со куамын арлэсь ятыр ужамын телевидениын, улэмын пӧртэм кунъёсын, али Телевиденилэн но радиолэн евразийской академиезлэн вице-президентэз луэ. Вань индылонъёсыз пӧлысь валтӥсез — лыдӟисез, учкисез гажан. Кулэ ӧвӧл гольтырес яке сьӧдмась материалъёс сьӧры уйиськыны, тросгес возьматоно огшоры калыкез тунсыкъятӥсь ужпумъёсты, ӧжытгес пӧяськоно.
Котьма мед шуозы, но прессалэн кужымез вань ай туала вакытэ но. Калык оске иворчиослы. Со сярысь вераз, фестивалез Эшъяськон юртын усьтыку,  Президентлэн администрациеныз кивалтӥсь Александр Горяинов. Нош со улонын тужгес дуноез. Тӥ — туж узыр адямиос, шуиз Александр Павлович. Дунъялэ сое, данъяське  профессиеныды.
Журналистъёсын пумиськыны мылкыд каризы ваньмыз сямен министръёс. Котькудӥз валтоно удысысьтыз югдурен тодматӥз. Ваньзэ сое ми одно вуттом лыдӟисьёсмы доры.

Ольга Зорина.
Туспуктӥз Владимир Беломорских.

Удмурт Дунне
By Удмурт Дунне 19 июля, 2011 11:08