Тау карон пиштэ яркыт тылын

Удмурт Дунне
By Удмурт Дунне 11 мая, 2011 05:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Быдӟым Вормонлы сӥзьыса, Ижысь Ялан ӝуась тыл доры вамыштӥзы шаерысьтымы вылӥ кивалтӥсьёс. Удмуртилэн Президентэз Александр Волков люкаськем калык азьын вераз:

— Шаермы кӧшкемыт ожмаськонэ келяз 400 сюрс пала пиоссэ но нылъёссэ. Со пӧлысь 145 сюрс адямилы вордскем палъёсаз бертыны ӧз ни кылды. Вормонэз Удмуртия матэктытӥз, пыӵал тӥрлык дасяса но. Ож мышкын бичамын 11 миллион винтовкаос. Фронтын гудыръясь котькуд дасэтӥез пушка кисьтэмын вал Воткаысь заводын.

Ялан ӝуась тыл дорын нунал куспын валиськиз сяськаё шобрет — яркыт пиштӥзы гвоздикаос, тюльпанъёс, розаос. Ожын быремъёсты буре вайыны татчы быдэс семьяосын лыктӥзы. Калык пӧлы потэм ветеранъёс котькулэсь но сӥлы луизы. Соослэн аръёсын утем медальёссы но орденъёссы шоры вожъяськыса учкизы покчиос. Нунал ӵоже кӧня сяська кузьмазы но ӟеч кыл веразы огшоры ортчись адямиос.

Туннэ шаерамы улэ Быдӟым ожез пырпотэм 1 сюрс 954 ветеран, войнаын кузпалъёссэс ыштэм 5 сюрс 824 палкышноос, фашистъёслэн концлагерьёсазы курадӟем 127 мурт. Со сяна, 38 сюрс 514 мурт Быдӟым Вормонэз матэктытӥз, фронт мышкын уен-нуналэн ужаса.

Алёна Ионина.

Туспуктӥз Валерий Кудинов.

Удмурт Дунне
By Удмурт Дунне 11 мая, 2011 05:54