Калыкез огазеяз уж

Удмурт Дунне
By Удмурт Дунне 4 мая, 2011 06:49

Ижысь 35 сюрс пала улӥсьёс пыриськизы 1-тӥ Май демонстрацие. Тулыслы но ужлы сӥзем празднике, эсьмаса, сомында калык люкаськиз — колоннаен вамышъясьёслэн йылзы-пумзы ӧз адскы. Бюджет удысын тыршисьёс, промышленностез но вуз каронэз ӝутӥсьёс, кун но муниципал кивалтӥсьёс — шоркарысьтымы одӥг огазеяськон но пыриськытэк ӧз кыльы.

Советской но Пушкин ульчаостӥ Шор площадёзь вамышъясь колоннаосты сьӧразы валтӥзы министерствоослэн но ведомствоослэн кивалтӥсьёссы. Тужгес чебер адскизы Егитъёсын ужанъя но Нациосын ужан политикая министерствоос бордысь огазеяськонъёс. Дӥсьёссы — яркытэсь, киосазы — транспарантъёс: «Ми — калыкъёс куспын эшъяськон понна!», «Огазе кариськом — кужмо луом!», «Уж адямиез кыдатэ!». Соос, ужась адямиез данъяса, кырӟанъёсты быдэстӥзы.

Правительстволэн юртэз азьын колоннаен мынӥсьёсты пумитазы Кун Кенешлэн Тӧроез Александр Соловьёв но Иж город муниципал кылдытэтлэн йырыз Александр Ушаков.

Елена Никитина.

 

Удмурт Дунне
By Удмурт Дунне 4 мая, 2011 06:49