«Ӟардонлэн» пилинӟиосыз

Удмурт Дунне
By Удмурт Дунне 4 мая, 2011 06:46

Татарстанысь Набережные Челны городысь «ӟардон» ансамбле Милидиновъёслэн семьязы лулысь-сюлмысь ветлэ. Энвер но Светлана вордӥськемын Пермь улосын, пичиысен удмурт кырӟан-веранъёс вылын будэмын. Шудзэс утчаны Набережные Челные вуизы. ӟеч уж шедиз, но луллы шумпотон — анай кылын вераськон, удмурт кырӟанъёс — ӧз тырмылэ. Огпол Энвер, ужысь бертыкуз, кылӥз: трос этажо юртлэн огысьтыз квартираысь удмурт кырӟан кылӥське. Мукетъят — нош ик. ӧз ни чида, тодматсконо кариськиз. Тӥни озьы Милидиновъёс «ӟардонэ» вуизы.

— Семьяямы удмурт сямен гинэ вераськиськомы. Домофонэ жингыртӥсьлы но удмурт кылын вазисько. Эшъёсы паймо: нош бигер яке ӟуч адями луиз ке? Шуисько: ӧз ке вала, бӧрысь мукет кылэ выжыны секыт шат? — пайме Энвер.

ӝытъёсы та семьяын доразы но кырӟаса пуко, атайзы арганэн шудэ.

— Куддыръя ваньмоно ӧвӧл, но нылы ёртэ. Шуисько: огнад гинэ кырӟа, ява. Нош со аслэсьтыз каре: мынам тонэн потэ, Интернетысь тани выль кырӟан шедьтӥ…

— Ма, мон кырӟаны вить арескысен ветлӥсько ни, — пальыша Алёна, — Сергей выны но котьку сьӧрамы луэ вал. Али институтын дышетскисько, но «ӟардонэ» репетициосы одно ик ветлыны тыршисько. Бигер шаерын улӥсько ке но, асме чылк-чылк удмуртэн лыдъясько. Удмурт сямен вераськыны быгатэмелы куд-ог эшъёсы паймо, асьсэос но монэн ӵош маке вераны выро. Шумпотыса ветло концертъёсамы.

Алёна Милидинова туж данъяське удмурт выжыеныз. Ас вакытаз песянаез кивалтэм Пермь улосысь «Купанча» удмурт ансамблен.

— Сцена вылэ потыса, мон усьтӥськисько, трос ӟеч мылкыд басьтӥсько, — шуэ Алёна. — Таӵе кылъёсты вераны быгато ваньзы «ӟардонэ» ветлӥсьёс — удмуртъёслэн зэмос пилинӟиоссы.

Елена Миннигараева.

Удмурт Дунне
By Удмурт Дунне 4 мая, 2011 06:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<