Ӟеч мылкыдлы — ульчае

Удмурт Дунне
By Удмурт Дунне 29 апреля, 2011 02:17

Россиын 1-тӥ Маез нырысьсэ пусйизы 1891-тӥ арын. Табере сое чидатэк возьмало, шуыны луоз, профсоюзъёс но партиос — асьсэ куронъёсынызы ульчаосы пото. Кыӵе мылкыдын уло соос али? Вера Удмуртиысь Профсоюзъёслэн федерацизылэн тӧроезлэн воштӥсез Инесса Петрова:
— Мылкыдмы туж умой, малы ке шуоно пӧртэм огазеяськонъёс милемды согизы ни демонстрацие пыриськыны куриськыса вазиськонъёсын. Ижын гинэ акцие люкаськыны медэ 30 сюрслэсь трос адями. Со сяна, котькуд муниципал кылдытэтын но ортчытыны дасясько митинг. Шоркарамы калык люкаськоз Пушкин но Советской ульчаос воже 9 но ӝыны часэ.
Зэм, кин но со шуоз: мар со митингъёслэн толыксы? Но 1-тӥ Май калыклэн йырсазяз пыӵамын, праздник шуыса. Соку асьмелы шутэтскон нунал но сётӥське. Озьыен, ӟеч мылкыдэз бугыръяськонэн сапталод меда?
Таяз радэ одно ик тодамы ваёмы Чикагоын 135 ар талэсь азьло ортчем митингез. Калык соку кивалтӥсьёслы вазиськиз вал, ужан дырез 8 час кельтыны курыса, нош соосты ыбылӥзы. Ми но дурваёмы 8 час тыршонлы. Ум вунэтэ Россиын крепостной праволы пум понэмез но. Туэ сое воштэм дырысен тырме 150 ар.
Азьло но, али но ужын валамтэостэк уг луы. Но праздник нуналэ вунэтоно вань кӧтӝожъёсты. 1-тӥ Май — шулдыр тулыслэн праздникез.

Елена Фёдорова

Потэмын ? № 60-61 (24799-24800) от 29.04.11.

Удмурт Дунне
By Удмурт Дунне 29 апреля, 2011 02:17