Тыл пушкы, ву пыдсы…

Удмурт Дунне
By Удмурт Дунне 29 апреля, 2011 02:57
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Тыл пушкы, ву пыдсы…

Тылпу кысон удысын адӟем карымон воргоронъёс тыршо.
Соослэн кышкасьтэм сямзылы пичи пиос но синмасько. Дӥсьтӥсь но сэзь луэмзы ик трос шуг-секытъёсты вормыны юрттэ.
2009-тӥ арен ӵошатыса, кылем арын тылпуос 30 процентлы, тылын ӝокаса бырон учыръёс 14 процентлы кулэсмизы. Та лыдпус быдэс Россия понна адӟем карымон.
«Горд атасэз» буйгатэм сяна, тылпу кысӥсьёс вуэ но зымыло. Красногорск черкогуртысь тылпу кысӥсь Сергей Кутявин куинь ар талэсь азьло луэм учырез туннэ но вунэтыны уг быгаты. 21-тӥ сентябре 18 часын Багыр гуртын улӥсьёс, чорыгасьёслэсь шурын жомбылляськемзэс синйылтыса, нырысетӥ юрттэт сётӥсьёслы ивортоно кариськиллям.
Красногорскысь тылпу кысонъя 31-тӥ частьын ужасьёс ӝегатскытэк отчы потӥзы. Зэмзэ но, кык чорыгасьёслы юрттэт кулэ вылэм — воргоронъёс бадӟым ӵыпет шоры кугӟаллям. Ӝыны час пала соос кезьыт вуын улӥллям, берпум кужыменызы лодка борды ӝабырскыса. Ярдурын одӥг пыж но вылымтэ, нош чорыгасьёс дорозь 35 метр.
Карауллэн кивалтӥсез С. Кутявин кема малпаськымтэ — спасательной круг борды гозы думем но вуэ пырем. Ӵыпет шорын сое мукетыз сюлмаськон вите на вылэм. Одӥг чорыгасьлэн пыдъёсыз калтонэ шедиллям. Трос пол зымылэмез бере гинэ четлыке кугӟам муртэ С. Кутявин мозмытыны быгатӥз. Жаляса верано, ярдурын сылӥсь эмъясьёс кыкетӥ чорыгасьлы юрттэт сётыны вуиллямтэ ни.
Тылпу кысӥсьлэсь дӥсьтӥсь луэмзэ кивалтӥсьёс ӧз вунэтэ. Сергей Евгеньевич та нуналъёсы Президентлэн резиденцияз вуылӥз. Александр Волков солэн мӧля вылаз «За спасение погибавших» медаль бырттӥз.

Валентина Емельянова

Потэмын ? № 60-61 (24799-24800) от 29.04.11.

Удмурт Дунне
By Удмурт Дунне 29 апреля, 2011 02:57