Быръем удысэз данъяно

Удмурт Дунне
By Удмурт Дунне 29 апреля, 2011 02:51
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмурт Республикая Югдурез утёнъя министерствоын толон выль министрен Александр Первухинэн тодматскон ортчиз. Отчы пыриськизы Правительстволэн Тӧроез Ю. Питкевич, Удмурт Республикая валтӥсь федерал инспектор Р. Идрисов, Кун Кенешлэн Тӧроезлэн воштӥсез В. Кушко но мукет кивалтӥсьёс. Тодматскон видеоконференция амалэн ортчиз.
Выль министрлы 46 арес. Вордскемын Свердловск (Екатеринбург) городын, 1986-тӥ арын йылпумъяз СССР-ысь МВД-лэсь Омскысь вылӥ школазэ. Ужаз Свердловск городысь Киров ёросысь исполкомлэн уголовной розыскысьтыз оперуполномоченной луыса. 1991-тӥ арын выжиз Свердловск улосысь югдурез утёнъя управленилэн ёзаз. 2001-тӥ арын Свердловск улосъя ГУВД-лэн штабеныз кивалтӥсь луиз. Туэ 5-тӥ апрельысен Россилэн Президентэзлэн 400 номеро указэзъя полициысь генерал-майор Александр Первухин Удмурт Республикая югдурез утёнъя министре пуктэмын. А. Первухин пӧртэм медальёсын но Эшъяськон орденэн пусъемын.
— Мон шудо! — шуиз Александр Сергеевич. — Татчы вуэмелэсь азьло мыным луонлык сётӥзы улосэз бырйыны. Ужея пӧртэм улосъёсы вуылӥсько бере, тодӥсько: Удмуртия котыр ласянь висъяське. Югдурез утён удысын ужасьёс но ас удыссэс ӟеч быдэсъяло.
Выль министр азе бадӟым куронъёс пуктэмын. Полициын ужасьёслэсь данзэс ӝутоно. Со сяна, полицие выжон вакытэ выль кадръёс кулэ луозы, ужасьёсты конкурс амалэн бырйыны луонлык кылдытоно. Соос уждун шоры гинэ медаз учке, ас удыссэс гажаны но дунъяны мед быгатозы.

Валентина Емельянова

Потэмын № № 60-61 (24799-24800) от 29.04.11.

Удмурт Дунне
By Удмурт Дунне 29 апреля, 2011 02:51