Улӥськом!

Удмурт Дунне
By Удмурт Дунне 25 марта, 2011 07:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Улӥськом!

Е. Миннигараева, С. Арекеева.

Национальной библиотекаысь «Удмурт шаер» клубын 23-тӥ мартэ ортчиз журналистлэн, кылбурчилэн но прозаиклэн Елена Миннигараевалэн (Панфиловалэн) творчествоезлы сӥзем ӝыт. Люкаськем калык тодматскиз авторлэн «Мумы» повестеныз но «Мон — улӥсько!» кылбур бичетэныз.

«Удмурт шаер» клублы туэ 15 ар тырме. Кивалтӥсезлэн Надежда Лимоновалэн пусъемезъя, кемалась, пе, тамында калыко пумиськонъёс ӧй вал ни. Шунытэныз но люкаськемъёслэсь мылкыдъёссэс бугыртӥз та ужрад. ӝытэз туж быгатыса нуиз Удмурт кун университетысь педагогика наукаосъя кандидат, литературовед Светлана Арекеева.

Елена Панфиловалэсь творчествоя ужъёссэ дунъясьёс пӧлын ӟырдыт вераськон ӝутскиз. Ас мылкыдъёссэс усьтӥзы филология наукаосъя кандидатъёс Виктор Шибанов но Вера Пантелеева, «Удмурт дунне» газетлэн валтӥсь редакторез, кыл­бурчи Зинаида Рябинина-Вахрушева, «Удмурт кенеш» огазеяськонлэн кивалтӥсезлэн воштӥсез Татьяна Ишматова, писатель Сергей Матвеев, суредась Юрий Лобанов но мукетъёсыз. Вормонъёсыныз ӟечкыланы вуылӥзы Пичи Пурга ёросысь Ильинск шор ёзо школаысь удмурт кылъя дышетӥсь Екатерина Алексеева, Можга педучилищеысь удмуртэн дышетӥсь Татьяна Иванова.

ӝытын трос чузъяськизы кылбуръёс. Ачиз автор лыдӟем сяна, котькудӥзлэн ик аслыз кельшемзэ верамез потӥз. Мылкыдъёсты уката шунтӥзы скрипкалэн, гитаралэн, флейталэн гуръёссы. Гожъяськон дуннелэсь огвакытлы палэнскемъёслэн сюлэмъёсазы нош ик ӝуатскиз тылгизьы: ми — улӥськом!

Лия Малых.

Туспуктӥз Владимир БЕЛОМОРСКИХ.

Удмурт Дунне
By Удмурт Дунне 25 марта, 2011 07:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<