Шудымтэ шудон

Удмурт Дунне
By Удмурт Дунне 29 марта, 2011 13:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шудымтэ шудон

Та вакытэ Ижысь «Галерея» адӟытон центрын шуныт киужъёсыныз паймытэ егит кибашлы Ирина Андреева. Со вордӥськемын но будэмын шаерамы, али улэ Москваын. Усточи ыж гонлэсь паймымон арбериос пӧрмытъя.  «Шуныт нунал» проектэз учкисьёслы зэмзэ но шуныт мылкыд кузьма.

— Малы ужъёсме гындэм ыж гонлэсь лэсьтыны кутски, уг тодӥськы, оло, со пинал дырысьтым быдэсмымтэ малпанъёс, шудымтэ шудонъёс. Тодэ ваёнъёсам кемалы кылизы песянае дорын куноямъёсы: гурт котырысь сюлэмлы дуно зынъёс, шумприч Катька кечмы, паськыт возьёс но узыё-борыё интыос.

Ыж гон туж шуныт. Со адями сямен ик пӧртэм сямо луэ. Одӥг киуж туж капчиен сётӥське, мукетыз керӟегъяськытэ. Уж борды кутскыку, тодыны уг луы, мар пӧрмоз. Соин ик ыж гонэн вырыны туж тунсыко.

Ыж гон мунё но коӵышпи — валтӥсь геройёс — котькуд композициын пумисько. Одӥгаз нылаш писэеныз ӵош мур малпанъёсы усем. Нош таяз небытак диван вылэ пуксем но мультик учке, пыд бордаз писэй маялляське. Нош гындэм ыж гонлэсь шкаф макем усто пӧрмем, уката но паймымонэсь отчы ошылэм шоголь дӥсьёс. Европаысь тодмо модельеръёс таӵеоссэ ӧз но вӧталэ, дыр. Холодильник тыр пельняньёсты адӟыса, дыльды вияны ӧдъя, соосты веръяны уг луы, соин ик туспуктыса кошки.

Аспӧртэм киужъёсты яратӥсьёс, дыртэлэ, Ирина Андреевалэн адӟытонэз ужалоз 4-тӥ апрелёзь.

Ангелина Снигирёва.

Туспуктӥз автор.

Удмурт Дунне
By Удмурт Дунне 29 марта, 2011 13:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<