Кырӟась «кенешчиос»

Удмурт Дунне
By Удмурт Дунне 29 марта, 2011 08:57

Удмурт Республикаысь Писательёслэн огазеяськонзылэн нимаз журналэз потыны кутскем дырысен туэ 28-тӥ феврале 85 ар тырмиз. 1926-тӥ арын лыдӟисьёс доры со вуиз »Молот» нимын, нош берло дыре удмурт литератураен тунсыкъяськисьёс, солэн улоназ пӧзисьёс-бергасьёс доры йыгаське «Кенеш» журнал. Кылем пятницае Эшъяськон юртын «кенешчиос» ас котыразы люказы эшъёссэс.

Журналлэн валтӥсь редакторез Пётр Куликов верамъя, редакциын ужасьёс юбилейзэс нимысьтыз пусйыныуг чаклало вал. Лыдӟисьёсын пумиськылӥзы, ёросъёсы потаса. Гуртоос ик мылкыдзэс ӝутӥзы Ижын нимаз ӝыт ортчытон пумысен. Мар бен, пумиськон тунсыко ортчиз.

ӝытэз быгатыса нуиз писатель но журналист Владимир Михайлов.

«Кенеш» журналын ужасьёсты но люкаськем калыкез зол шулдыртӥзы «Минута славы» телепередачае пыриськемъёс — Кияса ёросысь Уддяди гуртысь «Инвожо» фольклор ансамбль но бесерман гуръёсты кырӟась Мария Корепанова. Мылкыдъёсты лӧпкытӥзы кырӟанъя но эктонъя «Италмас» кун ансамбльысь кырӟасьёс Евгения Медведева но Людмила Ахтариева, кырӟаны но шудыны быгатэмзэ возьматӥз Воткаысь «Сайкан» ансамбль.

Пусйымон, берло дыре «Кенеш» журналын тросгес чузъяське егитъёслэн куаразы. Та ӝытын но люкаськемъёсты шумпоттӥзы егит кырӟасьёс — Ижысь Кузебай Герд гимназиысь Владислав Андреев но Пичи Пургаысь «Маяк» газетын ужась Андрей Кабышев.

Лия Малых.

 

Удмурт Дунне
By Удмурт Дунне 29 марта, 2011 08:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<