Back to homepage

Ӟеч уж

Лия Малых
Быдӟым Вормонлы 70 ар тырмонэн валче писатель Николай Кузнецов дася «Удмуртъёс — Быдӟым ожысь батыръёс» книга.
Книга энциклопедия выллем луоз. Нырысетӥ люкетаз пыртыны чакламын фашистъёслы пумит ожмаськемъёслэсь 1 сюрс туспуктэмъёссэс — удмуртъёслэсь полк. Та дырлы 650 ожгарчиослэн туспуктэмъёссы дась ни. Соос пӧлын вань ожын наградаос басьтэмъёс, быремъёс, ивортэк ышемъёс.
Тросэз фронтовикъёс палэнэ кылемын на. Таин валче Николай Спиридонович вазиське газет лыдӟисьёслы: ожъёсы пыриськем ӵыжы-выжыоссылэсь, тодмооссылэсь, гуртооссылэсь фронтовой фотооссэс (ӧвӧл ке, яралоз войналэсь азьвыл лэсьтэмез но) danalin74@yandex.ru электрон почтаяз келяны. Ожмаськем мурт сярысь гожтоно вакчияк ивортон: фамилизэ, нимзэ, атай нимзэ, вордӥськем интызэ, тодмо ке, кытын, кыӵе частьын ожмаськемзэ, наградаоссэ. Фотоосты но ивортонъёсты озьы ик ыстыны луоз «Удмурт дунне» газетлэн редакцияз электрон почтаен яке конвертэн (ксерокопировать карем фотографиос книгалы уз тупалэ). Туспуктэмъёсты берыктон понна гожтэтады асьтэ адресэныды буш конверт понэ.
Книгалэн кыкетӥ люкетаз пырозы фронтысь гожтэтъёс, удмурт кылын келямъёсыз. Таоссэ Николай Кузнецовлэн электрон адресаз келяно, сканировать карыса.
Туспуктэмъёсты но гожтэтъёсты ыстоно 1-тӥ маёзь. Книга поттыны чакламын вуоно арын Быдӟым Вормон нуналлы.