Back to homepage

Конкурсъёс

Гурт адями

Эн бабе!
«Удмурт дуннелэн» «Гурт адями» конкурсаз гожтэтъёс кыштыр вуо ни.
Та дырлы ӵошатсконэ ӵектэмын ни: Якшур-Бӧдья ёросысь Ӵошкыт гурт поселениен кивалтӥсь Л. Перевощикова, Эгра ёросысь Сэпысь клубен кивалтӥсь Т. Мосова, Алнаш ёросысь Усо гуртысь фронтовик Д. Иванов, та ёросысь ик Вылын Асангуртысь С. Загибалова, Дэбес ёросысь Удмурт Льӧм гуртысь удмурт кылъя дышетӥсь Е. Жуйкова, Яр ёросысь «Елово» хозяйствоен кивалтӥсь В. Пагина, Грак ёросысь «Конный завод» хозяйствоен кивалтӥсь Г. Петров, Кизнер ёросысь «Выль сюрес» хозяйствоен кивалтӥсь А. Морозов, Шаркан ёросысь «Исток» хозяйствоен кивалтӥсь Ф. Ефремова.
Та муртъёс понна куара сётон мытэмын ни. Озьыен, кин понна дурбасьтэмдэс вераны быгатоды, телефон пыр жингыртыса (8-951-195-37-66 номеръя) яке электрон почтаямы (udmdunne@udmnet.ru адресъя) гожтыса.
Дыртэ котырысьтыды гажано, усто, паймымон муртъёстэс данъяны! Конкурсэ выль вуэм нимъёс пыртэмын луозы куара сётонэ!


Устоез почтальон

Гажано газет-журнал нуллӥсьёс! «Удмурт дунне» почтальонъёс куспын «Устоез почтальон» конкурс ялэ.
Конкурсэ пырон понна калыкез 2015-тӥ арлы газетлы гожтӥськытоно (кылем арын выллем яке тросгес луыны кулэ) но, газетэз дыраз вайымтэлы ӝожтӥськонъёс медаз луэ.
Устозэ почтальонэз редакция пусъёз толэзьем уждунэз мында коньдон премиен. Конкурсэ пыриськемъёслы луозы Таукаронъёс, кузьымъёс: Удмурт театре, удмурт концертъёсы билетъёс.
Конкурслэн Положениеныз тодматскыны луоз udmdunne@udmnet.ru сай-
тын, ёросъёсысь почтамтъёсын. Юанъёсын жингыртыны луоз (3412) 73-33-42, 8-951-195-37-65 номеро телефонъёсъя.

Положение о конкурсе «Лучший почтальон-2014»


Газет мынам улонам

Газетлы 100 ар тырмонэн валче «Удмурт дунне» почтальонъёс пӧлын эшшо одӥг конкурс ялэ — «Удмурт дунне» мынам улонам».
Конкурсэ пырон понна гожтоно почтальонлэн улоназ «Удмурт дуннелэн» интыез сярысь яке газет нуллонэн герӟаськем тунсыко учырез. Гожтыны луоз пӧртэм жанръёсын: эссе, юмореска, зарисовка, кылбур…
Тужгес тунсыкоосыз ужъёс газет баме поттэмын луозы.
Уждэс келяно электрон почтае: udmdunne@udmnet.ru яке гожтэтэн 426008, Ижкар, К. Маркс ульча, 274 юрт адресъя.
Конкурсэ пыриськемъёслы кузьымъёс, Таукаронъёс дасямын ни.
Конкурслэн Положениеныз тодматскыны луоз газетлэн сайтаз, ёросъёсысь почтамтъёсын. Юанъёсын жингыртыны луоз (3412) 73-33-42, 8-951-195-37-65 номеро телефонъёсъя.

Положение о конкурсе «Удмурт дунне» мынам улонам» («Удмурт дунне» в моей жизни»)

  • Вахрушева Елена Николаевна

    Конкурс «Гурт адями» статья о директоре хозяйства ООО «Родина» д. Варавай Якшур-Бодьинского района Козыревой Маргарите Харитоновне. Автор статьи Шабалина Нина библиотекарь Варавайской сельской библиотеки