Гажано лыдӟисьёс, «Гурт адями-2017» конкурсэ адӟем карымон адямиосты ӵектонэз йылпумъяськом. Табере ялӥськомы вожвылъяськонлэсь 2-тӥ люкетсэ — куара сётон.

Конкурсэ пыриськись адями понна дурбасьтыны луэ пӧртэм амалъёсъя: кельшымон мурт понна дурбасьтӥсьёслэн кинюртэмъёсынызы списокез udmdunne@yandex.ru электрон почтае яке (3412) 73-33-42 факс пыр келяны быгатӥськоды, озьы ик гожтэтэн ыстыны «Удмурт дунне» газетлэн редакцияз: 426008, Ижкар, К. Маркс урам, 274-тӥ юрт. Та сяна, матысь дыре куара сётон усьтэмын луоз «Удмурт дуннелэн» сайтаз,  «ВКонтакте», «Facebook», «Одноклассники» вотэсбамъёсаз. Списокъёсысь но вотэсбамъёсысь куараос огазеямын луозы. Дурбасьтон кыстӥськоз толэзь ӵоже, 12-тӥ февралёзь. Бӧрысь газетын яломы вожвылъяськонлы йылпумъянъёсты. Конкурслэн ортчемез сярысь юалляськыны луоз (3412) 73-33-42, 8-951-195-37-65 телефон номеръёсъя.

Дурбасьтыны быгатӥсь-коды таӵе муртъёс понна:

«Устоез кивалтӥсь» номинация

Пётр Петров — Кияса ёросысь Вуж Салья гуртысь ужбергатӥсь;

Виктор Лебедев — Алнаш ёросысь Туймыйылысь «Прогресс» хозяйстволэн кивалтӥсез;

Николай Михайлов — Алнаш ёросысь Улын Сыръезьысь «Писеевское» хозяйстволэн кивалтӥсез.

«Выжыоссэ утись»  номинация

 Галина Веселкова — Сьӧлталась «Калмез гуръёс» ансамбльысь кырӟась;

Валерий Баймурзин — Пичи Пурга ёросысь Аксакшур гуртысь шаерчи, дышетӥсь;

Евдокия Ильиных — Сюмси ёросысь Тукан гуртысь удмуртлыкез азинтӥсь;

Владимир Дмитриев — Можга ёросысь Комак гуртысь шаерчи, дышетӥсь.

«Ӟеч сюлэм» номинация

 Василий Морозов — Вавож ёросысь «Колос» хозяйствоысь механизатор;

Эдуард Крестьянинов — Сьӧлта ёросысь Зямай гуртысь ужбергатӥсь;

Людмила Баранова — Пичи Пурга ёросысь Аксакшур гуртысь нылпи садын ужась;

Валентина Осипова — Кияса ёросысь Вуж Салья гуртысь дышетӥсь;

Сергей Крутихин — Можга ёросысь Бадӟым Уча гуртысь лулчеберетъя юртэн кивалтӥсь;

Лариса Шиляева — Балезино ёросысь Дядьпи черкогуртысь лулчеберетъя юртэн кивалтӥсь

 

Ангелина Снигирёва

 

Гурт адями-2017. «Устоез кивалтӥсь» номинация.

Учконо кӧня куара сётэмын

 

Гурт адями-2017. "Выжыоссэ утись"

Учконо кӧня куара сётэмын

 

Гурт адями - 2017. "Ӟеч сюлэм"

Учконо кӧня куара сётэмын

 

 

Write a comment

2 комментария

  1. "бусыос" Январь 30, 19:26

    Гажано «Удмурт дунне» газетын ужасъес! Бадзим тау кариськом тиледлы милэсьтим гурт адямимэс Мосова Татьяна Ксенофонтовнаес зечен лыдъямды понна, Тау кариськом весь вань калыклы куара сетэмзы понна.
    Таин валче, ваньдэсты зечкыласьком 100 ар тырмон Юбилеен. Тазалык, выль азинсконъес, трос лыдчисъес, шумпотонъес но вож гинэ сюрэсъес.
    Вождэс эн вае, мон дышетскымтэ удмурт грамоталы. Соин валче верамэ потэ:
    Нош малы меда со луэ озьы: 1963 арын мон мыны нырысети классе. 20 ятыр пиналъес полын кыкэз гинэ вал зуч. Удмурт пиналъес зуч кылэз воксе ик уг валало вал, нош дышетисьмы воксе ик удмурт кылэз уг вала вал. Зол курадзон вал дишетисьлы, но пиналъеслы. Пиналъес дышетизы дышетисез( Банникова Тамара Ивановна) удмурт кыллы, нош со дышетиз пиналъесты зуч кыллы. Школамэ быдти умой оценкаосын, техникумын басьти диплом с отличием. Нош весь улонам малпан кылдылэ- мон уг тодиськи вордскэм кылмэ. Нырисьсэ адзи удмурт кылын гожъям книгаосты(12-13 аресъем дыръя), но воксе ик пайми. Кызы со ози? Лучкэм лыдчины вырисько вал. Сеп гуртын улыкум кылисько чебер удмурт кылэн вераськэмэз. Борись вожъяськын кутски- мон нокуно озьы уг быгаты. А кыче чебер удмурт кылмы — зарни пуштросо. Сюлэмам али но возиськэ шугъськон( чувство предательства) дыр со. Вазиськэмэ потэ эн вунэтэ удмурт кылдэс. Сое дышетыса ти одно ик луоды шаплыэсь, визьмэсь, узырэсь, асьтэдыс гажасэс.Тини озьы.

    Сеп гурт, Игра ерос Г. Лекомцева

    Reply to this comment
  2. Николай Январь 16, 22:41

    Молодец

    Reply to this comment
View comments

Write a comment

Your e-mail address will not be published.
Required fields are marked*