Кылем ар пумын ялэм «Гурт адями-2017» конкурсмы йылпумъяськиз.

«Устоез кивалтӥсь» номинацие таяз рад 3 мурт ӵектэмын вал. Гуртоослэн конкурсэ мыло-кыдо пыриськемзыя зол шӧдӥмы, соос кивалтӥсьёссэс гажало, дунъяло шуыса. Алнаш ёросысь Туймыйылысь «Прогресс» но Улын Сыръезьысь «Писеевское» бускель хозяйствоос куспазы вожвылъяськоно луизы. Но проворгес ужазы туймыйылъёс, удмурт вишуръёс, шубиноос. Соос, 1 сюрс 590 куара люкаса, вормисе поттӥзы «Прогресс» хозяйствозылэсь кивалтӥсьсэ Виктор Лебедевез. Солэсь ог 300 куаралы кылиз «Писеевское» хозяйстволэн кивалтӥсез Николай Михайлов. Кияса ёросысь Вуж Сальялась Пётр Петров 427 куара люказ.

Электрон почтамес гожтэтъёсынызы тымизы сюмсиос. Соос «Выжыоссэ утись» номинацие ӵектэм Тукан гуртысь мыло-кыдо кышномурт Евдокия Ильиных понна куараос бичазы быдэс ёросэнызы. Ӧй вал, дыр, конкурслэсь палэнэ кылем гуртъёс, школаос, нылпи садъёс. Сюмсиысь азьветлӥсь удмурт нылкышно понна дурбасьтонэз зол радъяз «Знамя» ёрос газетысь ужась Раиса Волкова. Озьы сюмсиос рекорд пуктӥзы — кинюртэмъёсын гожтэтъёсын гинэ 1 сюрс 879 куара бичазы. Нош Интернетысь, вотэсбамъёсысь будэтыса, люкаськиз 2 сюрс 304 куара. Тамында куара люкасьёс конкурсэз ортчытыны кутскем дырысен ӧй на вал. Зол ужазы сьӧлтаос но, «Калмез гуръёс» ансамбльын кырӟась Галина Веселкова понна 1 сюрс 640 куара люкамын. Можга ёросысь Комак гуртысь шаерчи, дышетӥсь Владимир Дмитриевлэн 1 сюрс 19 куараез. Пичи Пурга ёросысь Аксакшурысь шаерчилэн, дышетӥсьлэн Валерий Баймурзинлэн 272 куараез.

Котьку сямен тужгес трос адями ӵектэмын вал «Ӟеч сюлэм» номинацие. Споръяськон мынӥз Можга ёросысь Учаысь Сергей Крутихин но Балезино ёросысь Дядьпиысь Лариса Шиляевалэн дурбасьтӥсьёссы куспын. Можгаосты куара сётыны ӝутказ Учаысь «Раздолье» ансамбльысь кырӟась Нина Санникова. Соос люказы 1 сюрс 142 куара. Но таяз радэ золгес вылӥллям балезиноос. Дядьпиысь мыло-кыдо лыдӟисьмы Анна Наговицына сюлмаськемен, гуртысьтызы клубен кивалтӥсьсы Лариса Шиляева 1 сюрс 228 куара люказ но вормисе потӥз. Кияса ёросысь Вуж Салья гуртысь дышетӥсь Валентина Осипова 576 куара люказ. Пичи Пурга ёросысь Аксакшурысь нылпи садын ужасьлэн Людмила Барановалэн 170 куараез. Сьӧлта ёросысь Зямай гуртысь ужбергатӥсь Эдуард Крестьянинов понна 367 куара вуиз. Вавож ёросысь «Колос» хозяйствоысь механизатор Василий Морозов понна 216 куара сётэмын.

«Гурт адями-2017» конкурсын вормисьёс Виктор Лебедев, Евдокия Ильиных но Лариса Шиляева данъямын луозы нимысьтыз ужрадъёсын.

 

«Устоез кивалтӥсь» номинация

Пётр Петров — Кияса ёросысь Вуж Салья гуртысь ужбергатӥсь — 576 куара;

Виктор Лебедев — Алнаш ёросысь Туймыйылысь «Прогресс» хозяйстволэн кивалтӥсез —  1592 куара;

Николай Михайлов — Алнаш ёросысь Улын Сыръезьысь «Писеевское» хозяйстволэн кивалтӥсез — 1209 куара.

«Выжыоссэ утись»  номинация

Галина Веселкова — Сьӧлталась «Калмез гуръёс» ансамбльысь кырӟась — 1640 куара;

Валерий Баймурзин — Пичи Пурга ёросысь Аксакшур гуртысь шаерчи, дышетӥсь — 272 куара;

Евдокия Ильиных — Сюмси ёросысь Тукан гуртысь удмуртлыкез азинтӥсь — 2304 куара;

Владимир Дмитриев — Можга ёросысь Комак гуртысь шаерчи, дышетӥсь — 1019 куара.

«Ӟеч сюлэм» номинация

Василий Морозов — Вавож ёросысь «Колос» хозяйствоысь механизатор — 216 куара;

Эдуард Крестьянинов — Сьӧлта ёросысь Зямай гуртысь ужбергатӥсь — 367 куара;

Людмила Баранова — Пичи Пурга ёросысь Аксакшур гуртысь нылпи садын ужась — 170 куара;

Валентина Осипова — Кияса ёросысь Вуж Салья гуртысь дышетӥсь — 576 куара;

Сергей Крутихин — Можга ёросысь Бадӟым Уча гуртысь лулчеберетъя юртэн кивалтӥсь — 1142 куара;

Лариса Шиляева — Балезино ёросысь Дядьпи черкогуртысь лулчеберетъя юртэн кивалтӥсь — 1228 куара.

 

 

Ангелина Снигирёва

 

 

 

 

 

Write a comment

2 комментария

  1. "бусыос" Январь 30, 19:26

    Гажано «Удмурт дунне» газетын ужасъес! Бадзим тау кариськом тиледлы милэсьтим гурт адямимэс Мосова Татьяна Ксенофонтовнаес зечен лыдъямды понна, Тау кариськом весь вань калыклы куара сетэмзы понна.
    Таин валче, ваньдэсты зечкыласьком 100 ар тырмон Юбилеен. Тазалык, выль азинсконъес, трос лыдчисъес, шумпотонъес но вож гинэ сюрэсъес.
    Вождэс эн вае, мон дышетскымтэ удмурт грамоталы. Соин валче верамэ потэ:
    Нош малы меда со луэ озьы: 1963 арын мон мыны нырысети классе. 20 ятыр пиналъес полын кыкэз гинэ вал зуч. Удмурт пиналъес зуч кылэз воксе ик уг валало вал, нош дышетисьмы воксе ик удмурт кылэз уг вала вал. Зол курадзон вал дишетисьлы, но пиналъеслы. Пиналъес дышетизы дышетисез( Банникова Тамара Ивановна) удмурт кыллы, нош со дышетиз пиналъесты зуч кыллы. Школамэ быдти умой оценкаосын, техникумын басьти диплом с отличием. Нош весь улонам малпан кылдылэ- мон уг тодиськи вордскэм кылмэ. Нырисьсэ адзи удмурт кылын гожъям книгаосты(12-13 аресъем дыръя), но воксе ик пайми. Кызы со ози? Лучкэм лыдчины вырисько вал. Сеп гуртын улыкум кылисько чебер удмурт кылэн вераськэмэз. Борись вожъяськын кутски- мон нокуно озьы уг быгаты. А кыче чебер удмурт кылмы — зарни пуштросо. Сюлэмам али но возиськэ шугъськон( чувство предательства) дыр со. Вазиськэмэ потэ эн вунэтэ удмурт кылдэс. Сое дышетыса ти одно ик луоды шаплыэсь, визьмэсь, узырэсь, асьтэдыс гажасэс.Тини озьы.

    Сеп гурт, Игра ерос Г. Лекомцева

    Reply to this comment
  2. Николай Январь 16, 22:41

    Молодец

    Reply to this comment
View comments

Write a comment

Your e-mail address will not be published.
Required fields are marked*