Кылем арнянуналэ (пучыарняе) лумбыт нясь-нясь пиштӥз шунды, жильыртӥзы шунась вуос, нош калыкмы понна та нунал пилемо луиз. Берпум сюрес вылэ келямы Удмуртиысь туж тодмо писателез, журналистэз, ӵош ужам гажано эшмес Кирилл Егорович Ломагинэз. Солэн весяк шутэтскон музъемез луиз югыт кызьпуосын но пинал вож кызъёсын котыртэм куш – Якшур-Бӧдья вӧзысь шайвыл. Мылкыдызъя ӧз луы, дыр, таӵе [...]

Сюлэмы туж вӧсь луыса, пумитай шаерысьтымы тодмо тодосчи, политик Алексей Геннадьевич Красильников кылем арын тулыс улонысь кошкем сярысь иворез. Та яркыт но визьмо адямиен кӧня ке тодэ ваёнъёсы герӟаськемын. Удмурт кун университетын дышетскыкумы, Алексей Геннадьевич милям, гуртысь али гинэ вуэм егитъёслэн, сюлмаськисьмы-кивалтӥсьмы вал. 1983-тӥ-1985-тӥ аръёсы со ачиз но тодон-валан люказ Ленинградын, аспирантураын. Валамон ни, ваньмон [...]

11-тӥ апреле Алнаш черкогуртын бадӟым ужрад ортчоз. Татысь шор ёзо школалы сётозы Кун Кенешысь азьвыл депутатлэсь, философия наукаосъя докторлэсь, филология наукаосъя кандидатлэсь Алексей Красильниковлэсь нимзэ. Ӵапак татысь школаын ас вакытаз визь люказ та дано пиосмурт. Жаляса верано, кылем арын мартэ со улонысь кошкиз. Туэ октябре солы тырмысал 58 арес. Алексей Красильников – тодмо удмурт писательлэн [...]

25-тӥ январе, Удмуртиысь культура удысысь дано ужасьлэн, композиторлэн Николай Постниковлэн вордӥськем нуналаз, Алнаш культура юрт азьын буре ваён ужрад ортчиз. Кык ар талэсь азьвыл кын корт куртчон вакытаз Николай Елисеевич шӧдтэк шорысь улонысь кошкиз. Сяськаян вакытаз Николай Постников улонысь кошкиз. Кӧня кырӟанъёсыз, кылбуръёсыз гожтӥськытэк кылизы. Нош кӧня гожтэм чуръёсыз калык пӧлы ӧз вуэ на. Ӵош [...]

Берло кыко арзэ ӝож мылкыдын улӥз Удмуртиысь культура удысысь дано ужась, кылбурчи но композитор Николай Постников. Алла Кузнецоваез, Михаил Федотовез, Ашальчи Окиез но трос мукет дано кылбурчиосты крезьгурын улӟытэм воргорон мургес выйиз лулпуш дуннеяз, отын бугыръяськись мылкыдъёсты бумага вылэ кисьтыны кутскиз. Алнаш ёросысь Блатгуртын (Ромашкино) вордӥськем пиосмурт пӧрам чуръёсыз, гуръёсыз пыр ялан вазиськылӥз Валентина кузпалызлы: [...]

Сизьым ар пӧламы ӧвӧл ни Россиысь но Удмуртиысь дано артист, «Шулдыр ӝыт» ансамбльлэн кивалтӥсез, маскарчи Анатолий Ушаков. 17-тӥ декабре, Шаркан ёросэ концерт пуктон сярысь вераськыны мыныкуз, шудтэм учыре шедьыса, быриз. Котьма ке но калык сюлэмысь Очей Толя  туннэ но ӧз поты. Ма веранэз ни матысь ӵыжы-выжыосыз сярысь – соос али но уг оско, яратоно адямизы [...]

Удмурт кун университетысь журналистикая факультетын дышетскем но улонысь вазь кошкем Сергей Пыжъяновлэн кылбуръёсын но прозаен  «Тропа Урухами» сборникеныз тодматскон ортчиз. Ужрадэ пыриськизы солэн анай-атаез, ӵыжы-выжыосыз, ӵош дышетскем эшъёсыз, студентъёс. Фотокарточкаысь туж чебер тусо, сьӧд синмо пинал пиосмурт учке, ымдураз пальпотон сылмемын. Сергей Пыжъяновлы УдГУ-ысь журналистикая факультетэз йылпумъяны ӧз кылды. Кышкыт висён быдтӥз вуоно талантэз. Югыт [...]

Кема аръёс ӵоже дышетӥсьёслэсь тодонлыксэс будэтонъя институтын ужам Ольга Григорьевна Коновалова улонысь кошкиз туэ март толэзе. Мон понна со вал ӵош ужась эш, дышетӥсь, анай, апай. Куамын аръёс ӵоже институтын ужатозяз, Ольга Григорьевна пыр туж трос удмурт кылэз но литератураез нуись  дышетӥсьёс ортчизы. Быдэс республикаысь дышетӥсьёсты со нимын-тулын тодэ вал. Кин кыӵе программаен ужа, маин [...]

Удмурт журналист но кылбурчи Вячеслав Михайлов вордскиз 1946-тӥ арын 14-тӥ шуркынмонэ Пичи Пурга ёросысь Выль Мӧнья гуртын. Литературае но журналистикае сюресэз музон писательёслэсь пӧртэмгес вал. Улӥнь Юри школаысь 8-тӥ классэз йылпумъямез бере Агрызысь СПТУ-ын электромонтажнике дышетскиз. Практиказэ ортчыны келязы Красноярск пала электроезъёс кысконэ. Соку отын бадӟым лэсьтӥськон мынэ вал. Бӧрысь ини Вячеслав Дмитриевич трос вералляз [...]

Ува ёросысь Булай шор ёзо школаын ортчизы Людмила Кутянова кылбурчилы сӥзем лыдӟонъёс. Радъяз соосты удмурт кылъя но литературая дышетӥсь Анна Петровна Дедюхина. – Кылем арын Дэри ёросысь Изгурт шор ёзо школаын Эрик Батуевлы сӥзем лыдӟонъёс ортчизы, – вера Анна Петровна. – Туж умой радъямын вал. Синмаськыса отысь бертӥ. Со нуналысен сюлэмы висьыны кутскиз. Милям но [...]