Ижысь нылпи садэ путёвкалы черодэ табере султыны луэ, дорысь потатэк, Интернет пыр. Удмуртиез азинтон программа чотын кылдытэмын «Мынам нырысетӥ черодэ» проект. Город администрациысь нылпиосты школалэсь азьло визьноданъя управленилэн кивалтӥсез Надежда Варламова верамъя, 33 сюрс мурт электрон черодэн тодматскем ни. Пӧлазы ӧжыт ӧвӧл нылпи садэ куриськон гожтэмъёс но. Матысь дыре кылиз на электрон но улэп черодъёсты [...]
Шаерысьтымы валтӥсь кыз яркыт тылсиосын кисьтаськыны кутскиз! Ижысь Шор площадьын шулдыръяськонъёс мытэмын ортчем суббота нуналэ. 150 Тол бубаос усьтӥзы парадэз – соос вуизы республикаысьтымы предприятиосысь но огазеяськонъёсысь. Тушо песятайёслы шулдыръяськыны юрттӥськизы Лымы нылъёс. Улмолы усьыны инты ӧй вал – сомында калык люкаськиз кыз котыре. Татын кырӟазы-эктӥзы шаерысьтымы пӧртэм коллективъёс. Нылпиос ворттылӥзы валъёсын, Драконэн ӵош бергазы [...]
Шор площадьын вож кыз 17-тӥ декабре яркыт тылъёсын кисьтаськыны кутскоз. Художникъёс ужано кариськизы «Ижевск воштӥське» ӧтён улсын. 2 метръем йӧ букваослэсь та кылъёс гожтэмын луозы удмурт кылын но. Иж город администрациысь архитектурая управленилэн кивалтӥсез Мария Бутченко верамъя, асьсэды возьматыны луонлык сётэмын городысь предприятиослы, огазеяськонъёслы но – Шор площаде пуктыны быгато логотипенызы йӧ скульптура. Та понна [...]
Та нуналъёсы йылпумъянъёс лэсьтэмын «Нылпиослы огкадь луонлык кылдытӥсь город» конкурслы. Россиысь 52 улосысь 128 городъёс возьматӥзы инвалид пиналъёслы шудон, будон но дышетскон условиос кылдытэмзэс. Ижевск быдэс кунмылы адӟем карымон луиз. Нылпиослэсь улон-вылонзэс ӟечомытон вылысь татын кутэмын пӧртэм программаос, кылдытэмын тунсыко проектъёс. Ортчыло тодматскон ӝытъёс, спартакиадаос, концертъёс но мукет трос ужрадъёс. Ваньмыз лэсьтӥське со понна: таза [...]
Витетӥзэ ӧтчам Иж город Думаысь депутатъёс 9-тӥ сессиязы люкаськылӥзы. Отын эскерем ужпумъёс пӧлысь бадӟым люкетэз сӥземын вал шоркарез чылкытатонлы, чебертонлы, благоустройстволы. Депутатъёс огъя мылкыдын дурбасьтӥзы шоркарын Сюрес фонд кылдытонлы. Со чотын тупатъяно, пе, машинаен ворттылон сюресъёсты. Кытысь со фондлэн коньдонэз луоз? Одӥг кудые люкаськозы сюрес вылын мынон-ветлон правилоосты тӥям понна штрафъёс, секыт вузъёсты нуэм-ваем но [...]
Туэ ар пумозь республикаямы пуктыны чакламын 500 сюрс квадрат метр улон инты. Со пӧлысь 300 сюрсэз быдэсмоз, нимаз коркаос пуктыса. Берло дыре шаерамы ӧжыт этажъем юртъёс пуктонлы бадӟым саклык висъяське. Лэсьтӥськон удыслы азинскыны юрттоз Кун Кенешлэн берпуметӥ сессияз кутэм закон но. Соя адямиослы юрт пуктыны дунтэк музъем висъяськоз. Музъем басьтыны быгатозы трос нылпиё семьяос. Тужгес [...]
Котрес ӝӧк сьӧры люкаськылӥзы Иж город администрациысь кивалтӥсьёс, инвалидъёсын ужась огазеяськонъёсысь адямиос, ужбергатӥсьёс. Вераськон мынӥз шугъяськись муртъёслы мынон-ветлон условиос кылдытон пумысен. Берло ньыль аръёссэ Ижын ӧжыт уг лэсьтӥськы. 252 организациослэн но учреждениослэн ӧсъёссы азьын пандусъёс пуктэмын. Инвалидъёс отчы питранъёс вылын пырыны уг шугъясько. 58 предприятие юромо дасяз коляскаосты пуктылон интыос но. Кызьы пусйиз Иж город [...]
Кылем шутэтскон нуналъёсы шоркар администрацилэн азбарез нош ик тымиськиз турлы сяськаосын. «Ижевск – сяськаясь город» ужрадэз ортчытон кемалась ӟеч сямлы пӧрмиз ни. Та шулдыръяськонэ арысь аре тросгес адямиос пырисько. Городысь котькуд район аслэсьтыз азбарзэ дася. Кинэз но, маиз но отын ӧвӧл! Озьы Ленин ёрос ужъёссэ туэ сӥзиз Космонавтикалэн арезлы, Октябрь ёрос тодэ вайытӥз пичи дыр [...]
Та нуналъёсы шаерысьтымы Эшъяськон юртын пумиськизы пӧртэм выжы калыкъёслэн огазеяськонъёсынызы кивалтӥсьёс. Вераськон мынӥз республикаямы калыкъёслэн улэмзы, кусыпъёссы, кылзэс но культуразэс утён амалъёссы сярысь. Та кенеше вуылӥз Европалэн Советысьтыз эксперт Анне Гуньяк. Европалэн Советэзлэн но Европаысь комиссилэн чакламзыя Ижкар – культурая шоркар. Угось Ижевскмы пыриське «Межкультурные города» проектэ. Та проект улонэ пыӵа 2008-тӥ арысен. Солэн валтӥсь [...]
