Таяз арняе шаерамы вуылӥз «Росатом» кун корпорацилэн кивалтӥсез Сергей Кириенко. Президентэн Александр Волковен ӵош со ветлӥз Механикая Чепца заводэ, пыраз валтӥсь цехъёсы, предприятилэн активеныз кенешон ортчытӥз, усто ужасьёсты кун наградаосын пусйиз. Бадӟым корпорацилэн генеральной директорез Глазовысь специалистъёслэн ужамзылы вылӥ дунъет сётӥз но Удмуртилэн уйпал шоркарезлэсь улон-вылонзэ ӟечомытыны сӥзиз. Татын луоз выль центр! – Москваын [...]
Арня вискын вань районъёсысь но городъёсысь мыло-кыдо адямиос, пичи но бадӟым кивалтӥсьёс, общественной уже пыриськисьёс люкаськылӥзы «Азьлань, Удмуртия!» форуме. Шаермес азинтон программае ӵектонъёссэ калык вераны быгатӥз 2 толэзь ӵоже. Озьы 250 сюрс ӵектонъёс люкаськизы. – Удмуртиын калык фронтэ куриськизы 7 ужась коллективъёс но 53 калык огазеяськонъёс. Пӧртэм удысъёсъя эскеремын вал вуоно арлы чаклам республикалэн бюджетэз [...]
Можга город вордӥськиз 1835-тӥ арын. Алабгоысь купеч Фёдор Григорьевич Чернов Сюга шурлы синмаськиз но ас коньдонэныз пуктыны кутскиз завод. Пиялаен сяна, со данэ потӥз кувшинъёс, шудонъёс дасяменыз. 1859-тӥ арын ортчытэм ревизияя тодмо луиз: завод бордысь каргуртын 34 юртъер лыдъяськиз, улӥсез – 290 мурт. Ваньмыз сямен соос ужазы пияла поттӥсь предприятиын. 1916-тӥ арын татӥ чугун сюрес [...]
Ижысь Ленин ёросэ вуоно арын выль поликлиника пуктыны кутскозы. Таӵе ужпум сэрттэмын-пертчемын та нуналъёсы Президент Александр Волков дорын ортчем кенешонын. Отчы пыриськизы лэсьтӥськонъя, архитектурая но улон инты политикая министр Сергей Шикалов, Иж город администрацилэн йырыз Денис Агашин, «Удмуртгражданпроект» институтысь адямиос но мукет специалистъёс. Туннэ 40 сюрс пала адями тазалыксэ эскере но йӧнатӥське Машиностроительёслэн каргуртысьтызы поликлиникаын. [...]
Республикаямы бадӟым саклык висъяське дышетскон учреждениосты тупатъянлы. Озьы туэысен Ижысь школаосын выльдыны кутскемын укноосты. Шудоос пӧлын – Ленин ёросысь 60 номероез. Та нуналъёсы отчы вуылӥз Президент Александр Волков, озьы ик Правительстволэн Тӧроезлэн воштӥсез Людмила Чунаева, дышетонъя но наукая министр Андрей Кузнецов. Лэсьтӥськисьёслэсь ужзэс эскерем сяна, соос пыриськизы выль компьютер классэз усьтонэ. Школалы укно вошъянлы 5 [...]
Таиз ужан арня кутскиз шаерамы бадӟым куноослэн лыктэменызы. 7-тӥ ноябре Иже вуылӥзы «Ростехнологии» кун корпорацилэн но «АвтоВАЗ» огазеяськонлэн кивалтӥсьёссы. Асьме Президентэн ӵош соос ветлӥзы автозаводэ, кенешизы предприятилэн ӵуказе нуналыз сярысь. Сайкыт-а машина лэсьтӥсьёсмылэн азьпал сюрессы? Ма вите соосыз, ар-кык ортчыса? Вуоноез усто ке, кытысь соку калык пӧлын умойтэм вераськонъёс пото? Сылмись оскон Вылӥ куноос [...]
4-тӥ ноябре Ижысь Шор площаде уно калык люкаськылӥз. «Огъя Россия» партилэн Удмуртиысь ёзэз радъям улсын татын ортчиз Калык огазеяськон нуналлы но Удмуртилэн кунлык басьтонэзлы сӥзем митинг. Люкаськемъёсты та праздникъёсын ӟечкылазы Кун Кенешлэн Тӧроез, «Огъя Россия» партилэн Удмуртиысь ёзэзлэн политсоветэзлэн секретарез Александр Соловьёв, Ижлэн йырыз, «Огъя Россия» партилэн Удмуртиысь ёзэзлэн политсоветэзлэн секретарезлэн воштӥсез Александр Ушаков, «Удмурт [...]
1990-тӥ аръёсы пиналъёс ӧвӧлэн нылпи садъёслэсь юртъёссэс мукет удысъёслы сётъязы. Буш уд возьы ук. Озьы каризы быдэс Россиын. Но пумен, ӟеч улонлы оскыса, семьяос будыны кутскизы. Таин валче садъёсы черодъёс кылдыны ӧдъязы. Ма кароно? Та юанэз сэрттон-пертчон борды 2007-тӥ арын ик басьтӥськиз Удмуртилэн Президентэз Александр Волков. Москваысь нокыӵе косон-курон вуэмын ӧй вал на, нош со [...]
Эльвира Марковина, Югдурез утёнъя министерстволэн пресс-службаеныз кивалтӥсь: – Югдурез утёнъя министерство мылысь-кыдысь пыриське кун услугаосты электрон амалэ выжтонэ. Малпасько, туала улонын та туж кулэ. Туннэ нуналлы, кылсярысь, электрон амалэн сётыны быгатӥськомы таӵе услугаосты: адямилэн судимостезъя справка, политикая репрессие улэ шедемъёсты ӟече поттон сярысь бумагаос, пыӵал тӥрлыкез нуллыны лэзись лицензиез басьтон, йыружъёсты шараян сярысь куриськонъёсты кутон. [...]
Берло аръёс ӵоже Удмуртиын калыклэн лыдыз йылэ но йылэ. Соин валче тросгес луо нылпи садъёс но. 2006-тӥ арын республикаямы ужаз 76 сюрс 13 сад. 2010-тӥ арын юртъёслэн лыдзы 82 сюрс 969 луиз. Нылпи садэ черодэ султэм пиналъёс пӧлысь 77,1 процентэзлы инты шедиз ини. Приволжск федерал округез учконо ке, Удмурт шаер та ласянь котькинлэсь азьпалан, мукет [...]
