Алнаш ёросын ваньмыз-ӧвӧлэз 19 гурт библиотека. Туймыйыл гуртысез алигес пусйиз 60 аръем юбилейзэ. Туймыйылын 2 библиотека: одӥгез – школа бордын, музонэз клубын. Озьы ке но огез но буш уг улы. Гуртын ваньмыз-ӧвӧлэз 870 улӥсез. Лыдӟиськисьёссы понна библиотекарьёс вожмасько, ява. Калыкез бордазы кыскон, книгаос котыре бинён вылысь олокыӵе но ужрадъёс радъяло. Озьы ёрос ӵошатсконын Туймыйыл гурт [...]
Национальной библиотекаын ортчиз Ашальчи Окилэн кылбуръёсыныз, веросъёсыныз но со сярысь тодэ ваёнъёсын «Та буртчин бурдъёсы» книгаен тодматскон. Книга потӥз кылем арлэн пумаз «Удмуртия» издательствоын 2 сюрс тиражен. Печатламын ӟуч но удмурт кылын. Книгалы дунне вылэ вордскыны юрттӥзы Алнашысь А. Окилэн музееныз кивалтӥсь Мария Петрова но кылбурчи Лидия Нянькина. Библиотекаын ужасьёс бадӟым выставка дасяллям. Люкаськем калыкез [...]
Мон булгар выжыысь потэм чуваш пи луисько. Ас калыкелэн гинэ ӧвӧл, дунне вылысь вань калыкъёслэн кылдон, азинскон сюрессы, кылзы, культуразы мыным туж тунсыко пото. Дунне вылын ӧвӧл «туж вылӥ» яке «туж улӥ» калыкъёс: котькудӥзлэн вань аслаз мусо анай кылыз, аспӧртэмлыко вашкала культураез. Шуом, Волга но Урал вискын улӥсь калыкъёсты ик басьтоно ке – чувашъёсты, удмуртъёсты, [...]
Луэ-а суредъёс пыр гинэ мукет кылэз дышетыны? Луэ, верало тодосчиос. Таӵе ужпум борды басьтӥськиз А. Журавлёва. Анай, мама, mother – тазьы вераськыны туннэ луонлыксы вань нылпи садэ ветлӥсьёслэн но, школаын дышетскисьёслэн но. Соос кие вуиз «Суредъёсын кылсузьет. Удмурт, ӟуч, англи кылъёсын» пособие. Та бордын ужаз на «Удмуртия» книгапоттонниысь редактор Т. Пояркова. Кылсузьетэ пыртэмын 34 темая [...]
Удмуртиысь калык писательлэн Вячеслав Ар-Сергилэн «Отдалённые родники» но «Ближние родники» сузьетъёсын поттэм книгаосыз сярысь тросэз уг тодо на. Соос печатласькизы «Известия Удмуртской Республики» газетын. Та книгаосты поттон сярысь Вячеслав Сергеевен огмылкыдэ вуэм газетлэн валтӥсь редакторез, кылбурчи, суредась Энвиль Касимов. Нырысетӥяз сузьетэ пыремын XIX даурлэн пумаз но ХХ дауре гожъяськем, улонысь кошкем кызь вить писательёс: [...]
Та нуналъёсы дунне вылэ вордскиз Башкортостанысь Шарифгали Ялаловлэн «Алтау гурт но солэн сюресэз» книга. Векчи гинэ со. Нош макем узыр пуштросэз! Автор вордӥськем гуртэз, отын улӥсь калыкез сярысь материал кема люкаса улэм. Егит дырысеныз ик гуртоослэсь тодэ ваёнъёссэс гожъяса кельтылэм. Шарифгали Шарафиевич та гуртын 1928-тӥ арын вордскемын. Шутэтскыны потытозяз, фельдшерын ужамын, гуртысьтызы медпунктэн кивалтэмын. Ӟеч [...]
Ачиз улэп дыръя Ашальчи Окилэн 4 книгаез потӥз: «Сюрес дурын» (1925), «О чём поёт вотячка» (1928), «Мар тодӥз тракома сярысь Карпа агай» (1930) но «Мон тодам вайисько» (1968). Лина Григорьевна улонысь кошкем бере эшшо куать бичет печатласькиз. Нош туэ, кулэмез дырысен 38 ар ортчыса, дуннеез адӟиз «Удмуртия» издательствоын потэм выль книга – «Ашальчи Оки. Та [...]
ӝӧк вылам – Удмуртиысь калык художниклэн, Россиысь дано художниклэн П. В. Ёлкинлэн 65 аресэзлы но суредаськон удысын 40 ар ужамезлы сӥзем альбом-книгаез. Кыӵе паймымон со! Сюлэме данъяськон мылкыд пыӵатэ. Возьматэ: улонамы уродэзлэсь тросгес чеберез, визьмоез но ӟечез. Улэп потэ мыным та книга: отысь пӧртэм удысын тыршись адямиос вазё кадь, композиторъёслэн гожтэм гуръёсын чузъясько кадь, [...]
Пичи Пурга ёросысь Брангуртлэн историезлы, отысь калыклы сӥзьыса, «Бурановский сельсовет. История и современность» книга потӥз. Сое дасязы Пичи Пурга черкогуртысь историлы дышетӥсь Валентина Зорина но Яган-Докья гуртысь дышетӥсь Анна Вологжанина. Соослы юрттӥськизы Павел Чушъялов, Людмила Посадова, Владимир Байсаров, Арсентий Ивашкин, Кузьма Кузнецов но Юлия Миронова. Книга поттэмын «Удмуртия» издательствоын. Книга кие кутымон пӧрмем. Нош пуштросэз [...]
Туннэ нуналлы элькунамы кык Якшур, куинь Ягул но ньыль Ягошур гуртъёс лыдъясько. Отын вордскем, будэм но али улӥсьёс понна дунне вылын дуноез но мусоез сэрег ӧвӧл, дыр. Валентина Николаевна Широбокова гогыеныз бурмемын Якшур-Бӧдья ёросысь Якшур гурт борды. Тӧдьыошмес юзмыт вуэныз будыны кужым сётӥз, гольык пыд бызьылӥз Тупал но Дургапал ульчаостӥ, узы-боры бичаз Болтайгопын но Чекергопын. [...]
