Дмитрий Глухов

Улон, пе, колёса. Берга.

Нош малы котьку но озьы –

Кинэ яратӥсько – тэрга?

Весь огнаме монэ кельтэ. Секыт.

Вань улонэ сураськемын. Бездыт.

Котькуд ӵукна мон сайкасько. Малпан.

Вамыштӥсько синучконэ доры. Капкан.

Кема сылӥсько, учкисько. Шузи.

Нош син азям нош ик тон. Тузӥ.

Улон, пе, колёса. Берга…

* * *

Тон вера мыным: кызьы мон улом,

Кызьы кылбуръёс табере гожъялом,

Кызьы сюлэмы йыгаськыны кулэ,

Куке берпуметӥзэ со шокыштэ.

Улӥськом, малпаськом одӥгез сярысь:

Ваньзэ кутскыны

Турттӥськомы выльысь.

Кыӵе ке сьӧд кужым нош сётэ кузьым,

Ӧвӧл ӵошен улонмы азьланьын.

Асьмеос из сямен ву пыдсы выйиськом,

Вождэ эн вай, мон тонэн юн висисько.

Богдан Анфиногенов

Тон лэзёд Depeche Mode

но куасьмод.

Коэльо лыдӟыса,

пальпотод.

Кеськонэд тынад:

«no pasaran!»

Нош кияд – гур суран.

Урамын – шыпытлык,

кесямын ни колхоз.

Сӥзьыл зын, шашлык,

выль улон нош вуоз!

Бабылес йырсиё,

синъёсад – гуашь.

Мон тонэ «сиё»,

тон мынам идеальной нылаш.

* * *

Мон вӧтай туннэ: fashion арня, 

Вспышки камер, рrеt-a-porter, 

Ты идёшь и не видишь меня, 

Мон тонэ адӟисько. Ми артэ.

Кык метр ӝуждала, каблукъёс,

Но тон кадь ик ветло ветылъёс… 

Только ты не дала мне руки,

Туж кезьыт ӝуало та тылъёс…

«Кстати, в трэнде туннэ – пужей!» 

Арганчи интыын – dj.

Пӧсятэм интыын – martini.

Марианна! Мишель! Чичоллина!

Со сылэ но кизэ шонтэ,

Со одно ик милям Чеберина.

Николай Смирнов

Мон

мукет дуннеын…

Мон

сьӧры эн, эн мын!

Пӧсь!

Кезьыт! Сылӥсько возь вылын…

Нош

шунды вылын кын!

Ӵын!

Сяськаос ӧвӧл зын!

Мон

онлайн контактын…