Красноярск улосвылын аварие шедем вертолётын быриз Удмуртиысь воргорон но

Удмурт Дунне
By Удмурт Дунне Август 6, 2018 11:26

krskstate.ru

Красноярск улосвылын аварие шедем вертолётын быриз Удмуртиысь воргорон но. Та сярысь ивор интыямын та улосвыл Правительстволэн сайтаз.

Шудтэм учыр луиз 4-тӥ гудырикошконэ Игарка городлэсь 180 иськемын. МИ-8 вертолёт усьыса, бырыны шедизы 15 пассажиръёс но экипажысь 3 адями.

Улонысь кошкемъёс Красноярск, Томск, Омск, Самара улосвылъёсысь, Ханты-Мансийск, Ямало-Ненец автономной округъёсысь, Башкириысь вахтае ужаны мынэмъёс луо. Соосын ӵош бырыны шедиз Удмуртиысь Камиль Хисамутдинов.

6-тӥ гудырикошконэ Красноярск улосвылын траур ялэмын. Ӝутэмын уголовной уж. МИ-8 мукет вертолётлэсь груззэ шедьытэм, таин валче усем шуыса малпало.

Аварие сюрем техника 2010-тӥ арын поттэмын, ивортэ солэн кузёез, «ЮТэйр» огазеяськон. Солэн командирез 5 сюрс 990 час лобамын, со пӧлысь 2 сюрс 300 чассэ — экипажлэн командирез луыса. Красноярск улосвыл шудтэм учыре шедемъёслэн ӵыжы-выжыоссылы коньдонэн юрттон амалъёс утча.

Эдуард Степанов

Туспуктэм: krskstate.ru

Удмурт Дунне
By Удмурт Дунне Август 6, 2018 11:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*