Удмуртилэн Тӧроез Ижевсклы мэре кандидатъёсын пумиськылӥз 

Удмурт Дунне
By Удмурт Дунне Июль 12, 2018 20:33

11-тӥ пӧсьтолэзе Удмуртилэн Тӧроез Ижевсклы мэр луыны мылкыд карисьёсын пумиськылӥз.

Туннэ та кивалтон инты понна 13 адямиос нюръясько. Котькудӥз кандидат элькун Тӧролы вакчияк вераз, кыӵеен со адӟе Ижевсклэсь азинскон сюрессэ но конкурслы дасям программаезлэн валтӥсь люкетъёсыныз тодматӥз. Городлы йыр быръёзы 10-тӥ гудырикошконэ.

Пумиськонзы бере Александр Бречалов социальной сетьёсын гожтӥз, кандидатъёс ваньзы пӧртэмесь, устооссэгес бырйыны конкурс комиссилы шуг луоз шуыса. Но кин полысь бырйыны вань бере, со умой ни, вераз элькун Тӧро.

Тодаз вайиз на Бразилиысь Куртиба городлы 3 пол мэре но 2 пол Парана штатлы губернаторе бырйылэм политик но кивалтӥсь сярысь. Ижевсклы но сыӵе ик Жайме Лернер кулэ, гожтӥз Александр Бречалов. Городлэн бюджетысьтыз нольёссэ ӵушылыку, тон мургес малпаськыны кутскиськод, шуэ вылэм Бразилиысь усто кивалтӥсь.

Сергей Захаров

Туспуктэм: vk.com/a.brechalov

Удмурт Дунне
By Удмурт Дунне Июль 12, 2018 20:33
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*