Шӧкыч: шутэтскон — йыр висён

Удмурт Дунне
By Удмурт Дунне Июль 6, 2018 10:49
суредаз Леонид Прозоров. "Удмурт дуннелэн" архивысьтыз

— Пие, ӵужкушман интые тани банан си!

Паймись Онись
Гужем — шутэтскон дыр гинэ ӧвӧл. Нылпиос понна со кышкыт вакыт луэ. Тани инвожо толэзь ӵоже Удмуртиысь 5 пинал шур-тыметъёсын быриз ни.
Трос сюлмаськонъёс кылдо нылпи лагерьёс радъян бордын но. Ува ёросысь Прокуратура эскериз школаос бордын ужась лагерьёсты. Тырмымтэос векчиесь кадь, но вылысьтыз вылаз соос бадӟым ужпуме комъясько.
Кылсярысь, ёрос Прокуратураын ужасьёс вуыку, огаз школаын ӧсъёс вӧлак пасесь вал. Юртэ пырись-потӥсьёсты чаклась кытчы ке тӧлӟем.
Лагере ужаны куриськисьёсты кивалтӥсь одно эскерыны кулэ, суд улэ шедьылэмын-а, ӧвӧл-а шуыса. Нош огаз школаын ужасьёссэс 4 ар ӵоже ини уг эскеро. Ми соосты тодӥськом, одӥг гуртын улӥськом, шуо…
Уг сюлмасько лагерен кивалтӥсьёс анай-атайёсын огкыл гожтыны — таиз потребительёслэсь правооссэс утёнъя законэз тӥян луэ. Шуом, лагерьын пинал сӧсырмиз ке, алама сиёнэн валлин шуге-леке вуиз ке, кинлэсь кылзэ юано?
Нош уката паймытэ, макем ӵем тӥясько чылкытлыкъя куронъёс. Столовое вуттэм сиён-юонлэн документъёсыз «ышо». Вылаз ик, тодмо ӧвӧл, кыӵе условиосын та сиён воземын. Тупа-а со пӧраськыны? Тодын на кылем тулыс луэм учыр. Ижевск вӧзысь «Дружба» лагерьын 90 нылпи шуге-леке вуиз пӧрам сиёнэн валлин. Соку столовойлэсь кивалтӥсьсэ 20 сюрс манет тыриськытӥзы, нош лагерьлы 800 сюрс манет штраф лякизы.
Озьы школа лагерьёслэн 4 кивалтӥсьёссы вылэ представлениос дасямын. Тырмымтэосты быдэстэмзэс Прокуратура пыр-поч чакласа возёз.

Удмурт Дунне
By Удмурт Дунне Июль 6, 2018 10:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*