Сарапулын моногородъёсты азинтон программая лэсьтӥськон умой мынэ

Удмурт Дунне
By Удмурт Дунне Июль 16, 2018 13:55

udmurt.ru

Удмуртилэн Тӧроез Александр Бречалов чаклаз, кызьы Сарапулын улонэ пыӵатӥське инвестиционной проект.

2017-тӥ арын Сарапул Россиысь 10 устоосыз моногородъёс пӧлы пыриз. Удмуртиысь со ваньмызлэсь азьло «Ӝог азинскись территория» статус басьтӥз. Сое басьтӥсьёслы кун ласянь кӧня ке пумо кун юрттэт висъяське.

Моногородъёсты азинтонъя фонд Удмуртилы 82 миллион манет сётӥз Сарапулын мясокомбинатэз но солэсь инфраструктуразэ выльдыны.

Со борды Удмуртия но Сарапул ватсазы на эшшо 63 миллион манет. Ваньмыз со уксё кутӥське ву гумыосты, электроезъёсты вошъяны но сюрес лэсьтыны.

Та дырлы ӝыныез ужъёс быдэстэмын ни. Лэсьтӥськонъя предпритилэн но городлэн кивалтӥсьёсыз Алексадр Бречаловез оскытӥзы, тупатон ужъёсты туэ 3-тӥ кварталлы йылпумъялозы шуыса.

Объектъёс мясокомбинатлы гинэ кулэ ӧвӧл. Кылсярысь, гумыосты вошъям бере Сарапулысь «Элеконд» но «Южный» микрорайонъёсысь юртъёсы ву сётонэн шугъяськонъёс уз луэ ни. Сӥльлэсь сиёнъёс поттонъя комбинатэз выльдонъя инвестроект чакламын 2025-тӥ арозь. Предприятие выльысь усьтӥськиз ке, отын 100 выль ужан интыос кылдозы.

Сергей Захаров

Туспуктэм: udmurt.ru

Удмурт Дунне
By Удмурт Дунне Июль 16, 2018 13:55
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*