Пенсие потон арлыд пумысен валче кенешоно

Удмурт Дунне
By Удмурт Дунне Июль 2, 2018 09:43

Пенсие потон арлыдэз будэтон сярысь законлэн проектэзъя кенешизы Удмуртиысь Правительстволэн Тӧроез Ярослав Семёнов но шаерысьтымы Профсоюзъёслэн федерациенызы кивалтӥсь Сергей Шерстобит.

Правительство, профсоюзъёс но уж сётӥсьёс куспын кылдытэм комиссия люкаськыны кулэ июль шорын, пусйиз Ярослав Семёнов.

Россиысь Правительство пенсие потон пумысен законопроектэз Кун Думае келяз ни. Улосъёсын со пумысен кенешонъёс мыно.

— Асьме азьын ужпум — Кун Кенешысь депутатъёсын дэмен законопроект пумысен огъя малпанэ вуоно, — журналистъёслы шуиз Я. Семёнов. — Профсоюзъёслэн федерацизытэк та ужез лэсьтыны уз луы, угось со шаерысьтымы 150 сюрс ужасьёсты огазея.

Та ужез эскерон понна улосамы кылдытэмын нимысьтыз комиссия. Профсоюзъёсын кивалтӥсьёс пумиськылӥзы ни Удмуртилэсь Кун Думае быръем депутатъёсын. Чакламын котырес ӝӧк сьӧрын кенешонъёс ортчытъяны. Отын уж сётӥсьёслэн но, ужасьёслэсь но мылкыдъёссэс санэ басьтозы. Правительство, профсоюзъёс но уж сётӥсьёс куспын кылдытэм комиссия люкаськыны кулэ июль шорын, пусйиз Ярослав Семёнов.

Пенсие потон арлыдэз ӝутонлы пумит али пӧртэм пумо акциос ортчыло. Соин ик законопроектэз рос-прос эскероно, котыр ласянь малпаськоно. Кивалтӥсьёс пусъемъя, тужгес ӟечез амал — валче пуксьыса кенешон. 

Елена Сараматова
Туспуктэм: udmdunne.ru

Удмурт Дунне
By Удмурт Дунне Июль 2, 2018 09:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*