Футболъя дунне чемпионатысь тунсыко лыдпусъёс

Удмурт Дунне
By Удмурт Дунне Июль 2, 2018 14:30

Футболъя дунне чемпионатысь тунсыко лыдпусъёс

Россиын ортчись чемпионатэ 32 команда пыриське, оглом 736 футболистъёс. А группае шедемын Россиысь, Уругвайысь, Египетысь но Саудовской Аравиысь командаос. Футболъя федерацилэн рейтингезъя та тужгес лябез группа. Туннэ нуналлы кужмо командаос лыдъясько Германиысь, Бразилиысь но Бельгиысь сборнойёс.

Нырысьсэ чемпионатэ шедемын Исландиысь футболистъёс. Пичи шормуӵазы ог 330 сюрс адями гинэ улэ. Озьы ик нырысьсэ шедемын Панамаысь команда.

Сенегалысь тренер Аллу Сиессе тужгес ичи уждун басьтэ — араз 200 сюрс евро, нош Россиысь тренер Станислав Черчесов — 2,6 миллион евро. Солэсь тросгес Германиысь, Бразилиысь, Франциысь но Испаниысь тренеръёслэн гинэ.

Тужгес арлыдоез спортсмен луэ Египетысь 45 аресъем Эссам Эль-Хадари. Мексикаысь защитник Рафаэль Маркес футболэн шудонъя дуннелэн чемпионатаз 5-тӥзэ пыриське ни. Тужгес егитэз футболист — Австралиысь 19 аресъем Даниэл Арзани. Тужгес лапегъёсыз — Панамаысь защитник Альберто Кинтеро, Саудовской Аравиысь Яхья Аль-Шехри но Щвейцариысь Джердан Шакири, ваньзы 165 сантиметр, нош Хорватиысь вратарь Ловре Калинич соослэсь 36 сантиметрлы ӝужытгес. Тужгес секытэз — Панамаысь Роман Торрес — 99 килограмм.

Россиысь футболэн шудонъя команда та ӵошатсконын 12 миллион долларлы узырмиз ни. Группаын шудӥсь вань командаослы 8 миллион доллар сётӥське, азьлань мынӥсьёслы ватсаське на 4 миллион доллар. Озьы дуннелэн чемпионэз луэм команда узырмоз 32 миллион долларлы.

Удмурт Дунне
By Удмурт Дунне Июль 2, 2018 14:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*