Быгатӥсь удмурт нылпиос понна 22-тӥ-31-тӥ гудырикошконэ «Ёлочка» лагерьын ортчоз «Шундыкар» лагерь.

Удмурт Дунне
By Удмурт Дунне Июль 18, 2018 10:46

Дася ужъёстэ!

Быгатӥсь удмурт нылпиос понна 22-тӥ-31-тӥ гудырикошконэ «Ёлочка» лагерьын ортчоз «Шундыкар» лагерь.

«Шундыкар» лагерьлэн ӧсъёсыз усьтэмын 18 аресозь нылпиослы. Туэ лагерьын 11 ӧръёс луозы.

Суредаськон (8-тӥ-11-тӥ классъёс). «Пук но малпаськы педлон, вань-а Марс вылын улон?» темая 3 пӧртэм амалэн суред лэсьтоно, огаз суредын ачиз автор но луыны кулэ.

Литература (8-тӥ-11-тӥ классъёс). Яратоно кылбурдэс яке веростэс удмурт кылэ берыктыса келяно. Асьтэлэсь тужгес усто гожтэмъёстэс келяно.

Фольклор (5-тӥ-9-тӥ классъёс). Удмурт калык кырӟанэз крезьгуро инструмент шудэм улсын яке сотэк диктофонэ гожтоно, со сяна, диктофонэ удмурт кылын кылбур яке вакчи верос лыдӟоно на. Эктӥсьёслы эктэмзэс видео гожтыса келяно, крезьгуро инструментъёсын шудӥсьёслы — калык гурез шудэмзэс возьматӥсь видео, калык дӥсен фотозэс келяно.

Эстрада (8-тӥ-11-тӥ классъёс). Сцена вылысен 2 туала удмурт кырӟанъёсты акапельно но фонограммая быдэстыса, видео гожтоно.

Крезьгуро инструментъёсын шудӥсьёс (7-тӥ-11-тӥ классъёс). Ачид сярысь гожтэт ыстоно 29-тӥ пӧсьтолэзёзь, тодмо группаослэсь 2 кырӟанзэс крезьгуро инструментэн (электрогитараен, акустика гитараен, бас-гитараен, барабанэн, синтезаторен, арганэн) шудыны дасяськоно. Лыктоно 4-тӥ гудырикошконэ 10.00 часлы Ижкарысь Эшъяськон юртэ, отын быръёзы, кин лагере мыноз.

Журналистика (7-тӥ-11-тӥ классъёс). «Волонтёр — кин со?» яке «Гуртын улон майбыр» темаосъя 3 минутъем видеосюжет лэсьтоно. Озьы ик келяно газетэ потам публикациостэс но гожтоно «Малы мон кулэ шедьыны «Шундыкар» лагере» эссе.

Театр (7-тӥ-11-тӥ классъёс). Ачид сярысь гожтэт ыстоно. Басняез, кылбурез яке спектакльысь люкетэз учкытэк вольыт но чебер лыдӟыны дасяськоно. Лыктоно 4-тӥ гудырикошконэ 10.00 часлы Ижкарысь Эшъяськон юртэ, отын быръёзы, кин лагере мыноз.

Кызьпу туен вырон (6-тӥ-11-тӥ классъёс). Кызьпу туен яке пуэн ужамдэс возьматӥсь видео келяно.

Дӥськут дизайн (7-тӥ-11-тӥ классъёс). Удмурт шӧмо пужы пӧрмытоно (быдӟалаез — 100х100 миллиметр). Малпам пужыдэс уже кутыса, тулыс но гужем нуллоно кадь дӥськутъёс малпано. Пужыдэс но дӥськуттэс А3 бумага вылэ суредаса келяно, вакчияк валэктон гожтоно.

Фотоискусство (7-тӥ-11-тӥ классъёс). «Одӥг гуртысь нунал» темая 10 — 15 фото келяно. Одно мед луозы корка пушкын, ужаку яке лыдӟиськыку лэсьтэм портрет, озьы ик гуртысьтыды чебер интыос.

Видеоискусство (8-тӥ-11-тӥ классъёс). Асьтэ быръем кырӟандылы видеоклип (2-3 минутъем) яке вакчи фильм лэсьтыса келяно. Нылпи мед луоз оператор яке монтажёр.

Ужъёстэс ыстоно 29-тӥ пӧсьтолэзёзь таӵе адресъя: 426063, Ижкар, Орджоникидзе урам, 33-тӥ «а» юрт, 204-тӥ кабинет, удмурт егитъёслэн «Шунды» огазеяськонзы яке электрон почта пыр udmshundy@mail.ru адресъя. Гожтэтады пусъёно нимтулдэс, вордӥськем ардэс, улон интыдэс, кыӵе классэз быдэстэмдэс, кыӵе огазеяськонлэн ужаз пыриськемдэс, «Шундыкар» лагере вуылэмдэс (арзэ но ӧрзэ), эн вунэтэ пусйыны телефон номердэс яке электрон почтадэс.

Йылпумъянъёс 5-тӥ гудырикошкон бере печатламын луозы «Удмурт дуннеын» но мукет газетъёсын, «Шунды» огазеяськонлэн udmshundy.ru вотэс бамаз. Вань юанъёсын вазиськоно «Шунды» огазеяськонлэн тӧроезлы Алина Черновалы 89512183533 телефон номеръя.

Удмурт Дунне
By Удмурт Дунне Июль 18, 2018 10:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*