Александр Бречалов Ironman луиз

Удмурт Дунне
By Удмурт Дунне Июль 5, 2018 16:19

Александр Бречалов Ironman луиз

Удмуртилэн Тӧроез Александр Бречалов триатлонъя Ironman ӵошатсконэз пумозяз ортчиз. Со 1-тӥ пӧсьтолэзе Австриын радъяськиз.

Ironman дуннеын одӥгес тужгес но секытэз ӵошатскон лыдъяське, отын кулэ 3 но ӝыны иськем уяны, 180 иськем велосипедэн ортчыны но 42 иськем марафонэз бызьылыны. Арлы быдэ отчы 50 кунысь 2000-лэсь трос спортсменъёс пырисько. Татын вожвылъяськисьёс куспазы уг — асэнызы ӵошатско, кужымзэс эскеро. 17 часлэсь ичигес дыр быдтыса вуиськод ке, вормись луиськод ни.

Удмуртилэн Тӧроез туэ ӵошатсконэ 3-тӥзэ пыриськиз ни, дистанциез 11 час 35 минут но 14 секунд куспын йылпумъяз, нош нырысетӥ пыриськемаз Ironman солы 12 час но 55 минут ӵоже сётскиз вал.

Аслаз вотэс бамаз Александр Бречалов пусйиз, таиз ӵошатскон солы тужгес но секыт потӥз шуыса, Максим Крят тренерезлы но вань юрттӥсьёсызлы, висисьёсызлы тау кариз.

Сергей Захаров

Удмурт Дунне
By Удмурт Дунне Июль 5, 2018 16:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*