70 удмурт егитъёс люкаськизы «БиГерд» форуме

Удмурт Дунне
By Удмурт Дунне Июль 2, 2018 09:20

 28-тӥ инвожое, Татарстанысь Балтаси ёросысь Покчи Лозя гуртын усьтӥськиз удмурт егитъёслэн улоскуспо «БиГерд» форумзы. Туэ со огазеяз Удмуртиысь, Татарстанысь, Марий Элысь, Москваысь но Будапештысь 70 егитъёсты.

3 нунал ӵоже форуме лыктэмъёс ужазы быръем орзыя.

— Кылем арен ӵошатыса, туэ пыриськисьёслэн лыдзы 2 поллы будӥз, — ужрадэз усьтыкуз вераз форумез радъясь, Татарстанысь удмуртъёслэн автономизылэн огез кивалтӥсез Марина Иванова. — Со возьматэ, ужрадмы адямиослы тунсыко шуыса.

3 нунал ӵоже форуме лыктэмъёс ужазы быръем орзыя — творческой, мугорез кыдатон, этноблогинг но дизайн, нош берпуметӥ нуналаз басьтэм тодон-валанзэс ужазы кутӥзы. Кылсярысь, твочествоен вырисьёс пуктӥзы концерт, этноблогингысь егитъёс гожъязы иворъёс пӧртэм кылъёсын вотэс бамъёсы. Ваньзы ӵош ортчытӥзы бадӟым флешмоб.

— «БиГерд» 2-тӥ ползэ гинэ ортче ай бере, вераны луэ, со аслаз кузь сюресэзлэн кутсконаз гинэ ай шуыса, — пусйиз Татарстанысь Тӧроезлэн йӧскалык политикая департаментысь кивалтӥсьлэн воштӥсез Евгений Ефимов. — Тӥляд вань луонлыкты огазе люкаськылыны, кыӵе ке тунсыко ужрадъёс, проектъёс малпаны — со туж умой.

Евгений Петрович сӥзиз вань люкаськемъёслы азинсконъёс но ужамзэс вотэс пыр эскерыса возёз, шуиз.

Елена Рябина

Удмурт Дунне
By Удмурт Дунне Июль 2, 2018 09:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*