Радик Мамаев 4 билет утӥз Футболъя дуннелэн чемпионатаз мыныны

Удмурт Дунне
By Удмурт Дунне Июнь 21, 2018 18:28

Радик Мамаев  4 билет утӥз Футболъя дуннелэн чемпионатаз мыныны

Дуннелэн чемпионатаз мыныны 4 билет утӥз Мугорез кыдатон культурая, спортъя но егитъёсын ужан политикая министерствоысь егит специалист Радик Мамаев.

— 2 арлы азьлапал ик та чемпионатлы дасяськыны кутски, Интернет пыр билетлы куриськон сётӥ, удалтӥз 4 билетэн, — шуэ егит мурт. — Россиын таӵе бадӟым ужрадъёс ӵем уг луыло, футболэз адӟытэк кыли ке, бӧрысь вань улонме ӧпкелё. Тросэз эшъёсы шуныт палась городъёсты бырйизы, нош мон Калининградозь ворттылыны малпай. Нырысь ик Казаньын учки Франциен Австралилэсь пумиськонзэс, отӥяз лобӟи Калининградэ, татын шудӥзы Сербия но Швейцария. Собере Санкт-Петербурге но Нижний Новгородэ вуыло на. Огкутскемен быдэс Россиен тодматскыны малпай.

Кытчы гинэ ӧз вуылы егит пияш, котькытын стадионъёс, пе, калыкен тырмемын. Пӧртэм странаосысь вуэмъёс асьсэ культуразэс возьматыны тыршо: мексиканецъёс — шляпаосын, австралиецъёс — кенгуру костюмъёсын, французъёс — атаслы укшась изьыосын.

Чемпионатын Россиысь команда 2 вормон басьтӥз ни. Кылиз на Уругваен шудыны, пумиськон ортчоз 25-тӥ июне Самараын. Таяз учыре команда ӧз вормы ке но, со, ас зонаысьтыз азьлане вамыштыса, 1/8 финалын шудоз. Пусйыны кулэ, таӵе вормонэз Россиысь командалэн 32 ар ӵоже ӧй вал ни.

Валентина Емельянова

Удмурт Дунне
By Удмурт Дунне Июнь 21, 2018 18:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*