Ижысь Медведево но Люлли: сюрес, ульчаослэн нимъёссы, чагыр эстӥськон но тыл ӧвӧл

Удмурт Дунне
By Удмурт Дунне Июнь 15, 2018 13:20
onf.ru

Ӵапак та микрорайонъёсы музъем кесэгъёс сётылэмын трос нылпиё семьяослы.

«Калык фронтлэн» ёзчиосыз та нуналъёсы вуылӥзы Ижысь Медведево но Люлли микрорайонъёсы. Отысь улӥсьёслэн сюлмаськонъёссы тымиськемын.

Ӵапак та микрорайонъёсы музъем кесэгъёс сётылэмын трос нылпиё семьяослы. Но уноез улон юрт пуктыны уг дырто луонлыксы ӧвӧлысь. Кылсярысь, сюресъёссы уродэсь. 2016-тӥ-2017-тӥ аръёсы кыкысьтыз ик микрорайонъёсысь ульчаосы векчи из кисьтамын вал. Но со тырмыт ӧвӧл. Люллиысь семьяос из сюресэз ог 1 иськемлы ке но кузёмытыны куро — сотэк участокъёсазы лэсьтӥськон материалъёс гинэ но вайыны уг луы, пе.

Мукет но сюлмаськонзы вань: ульча нимъёссы ӧвӧл, коркаоссы Интернет карта вылэ пусйымтэ. Таин валче соосты шедьтыны уг быгато таксистъёс но, «скорой» но мукет службаос но.

Ульчаосын пеймыт, чагыр эстӥськон кыскымтэ. Зэм, газ кысконъя проектъёс дасямын ни. Соя Люллиын 2018-тӥ — 2019-тӥ аръёсы, Медведевоын 2020-тӥ арын чагыр эстӥськон вуыны кулэ. Иж город администрациысь лэсьтӥськон удыс понна кыл кутӥсь Сергей Владимиров верамъя, коньдон висъяськоз элькун бюджетысь. Но котькуд семья эшшо быдэн 40 сюрс манетэн сётоно луоз на.

Та микрорайонъёсын улӥсьёслэн лыдзы матысь дыре шӧдскымон йылоз. «Калык фронтлэн» ёзчиосыз шуизы: отчы школа, фельдшер-акушер пункт усьтон сярысь но али ик малпаськоно.

Элина Васильева
Туспуктэм: onf.ru

Удмурт Дунне
By Удмурт Дунне Июнь 15, 2018 13:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*