Ижкар Герберын ужазы ог 20 пала азбаръёс

Удмурт Дунне
By Удмурт Дунне Июнь 12, 2018 17:26

Котьку сямен Ижкар Гербере вуэмъёсты пумитаз Кызьпу арама. Туэ шулдыръяськонэз радъязы Ижысь Индустриальной ёрослэн администрациез, Удмурт филармония но «Удмурт Кенеш» огазеяськон. 

Калыкез ӟечкыланы вуизы пӧртэм улосвылъёсысь депутатъёс, озьыен ӟеч кылъёс чузъяськизы удмурт, коми, бурят, ӟуч но мукет кылъёсын.

Шулдыръяськонын котькуд адями аслыз сюлэмызъя шутэтскон сэрег шедьтӥз, дыр. Нылпиос шудӥзы «Билингва» азбарын, кин яратэ удмурт кырӟанъёсты — бадӟым сцена азьын. Шумпотымон, туэ нырысьсэ Ижкар Гербере потӥз Йӧскалык библиотека. Пичи сцена вылын чузъяськизы кылбурчиослэн чуръёссы — калык татын но ӧжыт ӧй вал.

«Удмурт Кенеш» огазеяськонлэн азбарез таяз радэ огазеяз вань фин-угор калыкъёсты — шаерамы уго уно калыкъёс уло. Чузъяськизы пор, мордва, удмурт но мукет кылын кырӟанъёс.

Али нош Кызьпу арамаын шулдыръяськон азьланьтӥське. Калык позыръяське Александр Митюхин крезьгур суралтӥсьлэн ужъёсыз улсын. 19.00 часын нош луоз на салют.

Ортчем шулдыръяськон сярысь пыр-почгес лыдӟозы «Удмурт дунне» газетлэн вуоно номерысьтыз.

Мария Иванова
Удмурт Дунне
By Удмурт Дунне Июнь 12, 2018 17:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*