Грак ёросын ӵошатскизы пудо лыдэз йылэтонъя  технологъёс

Удмурт Дунне
By Удмурт Дунне Июнь 9, 2018 12:00

Грак ёросысь «Родина» хозяйствоын ӵошатскизы пудо лыдэз йылэтонъя  устоосыз технологъёс.

udmapk.ru

Шаерысьтымы осеменаторъёс вожвылъяськизы Грак ёросысь «Родина» хозяйствоын.

Вожвылъяськонлэсь одӥг ёрос но палэнэ ӧз кыльы. Татчы вуизы асьсэ районъёсазы вормисе потэмъёс. Азьвыл осеменаторъёс пӧлын уногес адӟиськылӥзы нылкышноос. Но берло дыре югдур мукет пала шонске: пиос но та удысэ мынонлэсь уг кышкало ни. Выль технологиос улонэ пыӵамен, уж огдыре ик капчигес но, секытгес но, тунсыкогес но луэмен, нылкышноосын оградын сюлмысь тыршо воргоронъёс но. Пудоез котькыӵе ӟеч мед сюдомы угось, но тазалыкез, пудо уллёлэн лыдыз потэ ӟеч технолог бордысь.

Конкурсэз радъясьёс секытэсь юанъёс дасяллям. Соослы валэктон сётэм сяна, быгатонлыкъёсты возьматоно вал лабораториын опытъёс вылын, скалэз бызьылытоно, тазалыксэ эскероно  луиз. Озьы быгатонлыкъёсынызы котыр ласянь паймытӥзы воргоронъёс. 1-тӥ интые потӥз Вавож ёросысь «Колос» хозяйствоысь технолог Дмитрий Краснов. 2-тӥ луиз Ува ёросысь «Авангард» хозяйствоысь Владимир Ложкин. 3-тӥ инты басьтӥз Пичи Пурга ёросысь «Первый май» хозяйствоысь Семён Андреев. Быдэс пьедесталын воргоронъёс — таӵеез ӧй вал на. Жюри нимысьтыз пусйиз та удысын тужгес кема но синмаськымон ужась нылкышноез — Грак ёросысь «Родина» хозяйствоысь Надежда Барбарисоваез. Тужгес егитэз конкурсэ пыриськись луиз Каракулино ёросысь «40 лет Победы» хозяйствоысь Татьяна Саматова. Ваньмыз таос кузьымъёсын пусъемын вал.

udmapk.ru

«Колос» хозяйствоысь технолог Д. Краснов вормисе потӥз.

Азьпалан Россиысь устоосыз технологъёс пӧлын ӵошатскон. Ортчоз со август пумын Киров улосын. Татчы улосъёс асьсэ конкурсантъёссэс ыстыны быгато пудолэн лыдызъя. Шаерамы скал уллё бадӟым бере (109 сюрс 418 йыр), луонлыкмы вань 3 муртэ ӵошатсконэ ыстыны, озьыен, 3 полэс  осконмы вань вормыны.

Елена Сараматова
Туспуктэмъёс: udmapk.ru

Удмурт Дунне
By Удмурт Дунне Июнь 9, 2018 12:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*