Буш янчиклэсь эмъюм

Удмурт Дунне
By Удмурт Дунне Июнь 27, 2018 17:00

Пичи дыръяз котькин оске, будӥз ке, одно ик шудо луоз шуыса. Но ӵем дыръя малпанъёс быдэсмытэк кылё коньдон ӧвӧлысь. Озьыен, шудо луон понна нырысь коньдонэз кутыны дышетсконо?

Джордж Клейсонлэн «Самый богатый человек в Вавилоне» книгаезлэн нимыз тунсыко ӧз поты нырысь, но обложкаяз «та книгаез лыдӟиз котькудӥз миллионер», «нырысетӥ миллионерлэн секретъёсыз» гожтэмъёс пушме бугыртӥзы: мае тодэ миллионер, нош мон — уг?

«Самый богатый человек в Вавилоне» книга — буш янчиклэсь эмъюм. Со валэктэ, кызьы уксё поттоно, кутоно но бергатоно, со выль уксё мед лэсьтоз шуыса. Лыдӟись вуэ Вавилонэ, 8000 ар талэсь азьло бугыр-бугыр пӧзись улонэ, угось ӵапак та карын нырысьсэ валазы коньдонлэсь законъёссэ. Уксё туннэ но берга со законъёсъя. Нош тон соосты тодӥськод-а?

Кылсярысь, Бансир тырше ӵукнаысен ӝытозь. Нош малы уксёез уг тырмы семьязэ сюдыны? Та юанэн со вазиське узыр эшезлы.

Тон уд тодӥськы, дыр, коньдонлэсь законъёссэ, шуэ эшез. Тае мыным вераз ростовщик Альгамиш. Со, пе, уксёез бордысь одӥг дасмоссэ тыре аслыз. Мон серектӥ, малы одӥг дасмоссэ гинэ? Басьтэм коньдонэд ваньмыз тынад ук! Соку Альгамиш шуиз: тон тыриськод ваньмызлы: сиён пӧрасьлы, дӥсь, пыдкутчан вурисьлы но мукет. Нош оглюкетсэ ке но котькуд толэзь тырид ке аслыд, дас ар куспын ваньбуред кӧня люкаськоз?

Мон со сярысь кема малпаськи. Кызьы кельтоно оглюкетсэ, куке, ваньзэ ӵош кутыса но улыны тырмытыны уг луы? Но оглюкетсэ кельтӥ ик. Укмыс дасмосэз улыны тырмиз!

Уксёез шыръян — узырмон понна нырысетӥез гинэ закон. Кызьы коньдонэз ялан тросгес кароно, тододы, книгаез лыдӟыса.

Любовь Михайлова

Удмурт Дунне
By Удмурт Дунне Июнь 27, 2018 17:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*