Вакчияк: Удмурт движенилэн азинскон сюресэз

Удмурт Дунне
By Удмурт Дунне Май 15, 2018 13:51

Вакчияк: Удмурт движенилэн азинскон сюресэз

1901-тӥ (1902-тӥ) ар — 4 егит дышетӥсьёс Пермь улосысь Куеда ёросысь Бадӟым Гондыр гуртын лушкем кружок кылдытӥзы удмуртъёсты общественно-политической движение кыскон понна.

1917-тӥ ар — Поволжьеысь пичи калыкъёслэн огазеяськонзы кылдӥз. Солэн удмурт секциеныз кивалтыны кутскиз И. Яковлев.

1918-тӥ ар, 26-тӥ-28-тӥ инвожо — Елабугаын Россиысь удмуртъёслэн 1-тӥ ӧтчамзы ортчиз.

1919-тӥ ар, 30-тӥ южтолэзь-4-тӥ оштолэзь — Татарстанысь Кукмор ёросысь Нырья черкогуртын Россиысь удмуртъёслэн 2-тӥ ӧтчамзы ортчиз.

1919-тӥ ар, 25-тӥ-29-тӥ куарусён — Сарапулын Россиысь удмуртъёслэн 3-тӥ ӧтчамзы ортчиз.

1920-тӥ ар, 15-тӥ-21-тӥ инвожо — Сарапулын дышетон но лулчеберет удысъёсын ужась удмуртъёслэн 1-тӥ ӧтчамзы ортчиз.

1920-тӥ ар, 4-тӥ шуркынмон — Москваын юнматэмын Вотской автономной область кылдытон сярысь декрет.

1920-тӥ ар, 26-тӥ-29-тӥ толсур — Сарапулын Россиысь удмурт нылкышноослэн конференцизы ортчиз.

1991-тӥ ар, 22-тӥ-23-тӥ шуркынмон — Ижын СССР-ысь вань удмуртъёслэн 1-тӥ (нош бӧрысь сое 4-тӥ шуизы) ӧтчамзы ортчиз. Кылдытэмын удмуртъёслэн «Удмурт Кенеш» огазеяськонзы. Тӧрое быръемын экономика наукаосъя доктор Михаил Шиш-кин.

1993-тӥ ар, 27-тӥ тулыспал — удмурт нылкышноос огазеяськыса конференция ортчытӥзы. «Удмурт Кенешлэн» бурд улаз «Удмурт нылкышно кенеш» кылдӥз. Тӧрое быръемын Нина Малых.

1994-тӥ ар — Ижын кылдӥз «Нылпи сад-школа» удмурт центр. 5 ар ортчыса, со удмурт гимназия луиз.

1994-тӥ ар, 4-тӥ-5-тӥ шуркынмон — «Удмурт Кенеш» огазеяськон люказ удмуртъёслэсь 5-тӥ ӧтчамзэс. «Удмурт Кенешен» кивалтыны быръемын медицина наукаосъя доктор Иван Гришкин.

1997-тӥ ар, 5-тӥ-6-тӥ шуркынмон — 6-тӥ ӧтчам ортчиз. «Удмурт Кенешлы» кивалтӥсе быръемын Удмуртиысь Верховной Советлэн азьвыл тӧроез Валентин Тубылов.

1999-тӥ ар, 19-тӥ инвожо — «Удмурт Кенеш» огазеяськон 7-тӥ ӧтчамзэ дырызлэсь вазь люказ. Со герӟаськемын политикаысь югдурен. «Удмурт Кенешлэн» тӧроез Валентин Тубылов куаретӥз: автономия кылдэм дырысен нырысьсэ республикаысь кивалтэтын одӥг удмурт но ӧвӧл. Кутэмын съездлэн нимысьтыз вазиськонэз. Кун Кенешлэн Тӧроезлы воштӥсе пуктэмын удмурт адями — Павел Вершинин.

1999-тӥ ар, 19-тӥ инвожо — «Герд» газетлэн 1-тӥ номерез потӥз.

2000-тӥ ар, 6-тӥ толсур — удмуртъёслэн 8-тӥ ӧтчамзы ортчиз.

2001-тӥ ар, 27-тӥ шуркынмон — кутэмын Удмурт Элькунысь кун кылъёс сярысь закон.

2004-тӥ ар, 10-тӥ толсур — удмуртъёслэн 9-тӥ ӧтчамзы ортчиз.

2005-тӥ ар, 2-тӥ шуркынмон — Ижысь Национальной музей азьын усьтэмын удмурт югдытӥсьлы К. Гердлы синпелет. Сое пуктыны коньдон люказ вань удмурт калык, уксёлэн бадӟым люкетэз висъяськиз элькун бюджетысь.

2006-тӥ ар, 15-тӥ толсур — удмуртъёслэн дырызлэсь вазь люкам 10-тӥ ӧтчамзы ортчиз. Съезд сӥземын вал «Удмурт Кенеш» огазеяськонлэн 15 аръем юбилеезлы но уставе воштонъёс пыртонлы.

2008-тӥ ар, 12-тӥ толсур — «Удмурт Кенеш» люказ удмуртъёслэсь 11-тӥ ӧтчамзэс. Огазеяськонлы выль кивалтӥсь быръемын — Николай Мусалимов. Валентин Тубылов луиз «Удмурт Кенешлэн» дано президентэз.

2012-тӥ ар, 5-тӥ коньывуон — удмурт азьветлӥсьлы Т. Борисовлы синпелет усьтэмын.

2012-тӥ ар, 14-тӥ толсур — удмуртъёслэн 12-тӥ ӧтчамзы ортчиз. «Удмурт Кенешен» кивалтыны быръемын Кун Кенешлэн азьвыл тӧроез Игорь Семёнов.

2014-тӥ ар — «Удмурт Кенеш» рос-прос басьтӥське кун кылъёс сярысь законэ воштонъёс дасян борды.

2015-тӥ ар — удмурт кунлыклы 95 ар тырмемен валче сӥё-дано ужрад ортчытэмын.

2016-тӥ ар, 12-тӥ тулыспал — удмуртъёслэн 13-тӥ ӧтчамзы ортчиз. «Удмурт Кенешлы» тӧрое быръемын Татьяна Ишматова.

2016-тӥ ар, 8-тӥ толсур — «Удмурт Кенеш» огазеяськон сӥё-дано пусйиз 25 аръем юбилейзэ.


Удмурт Дунне
By Удмурт Дунне Май 15, 2018 13:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*