Удмуртиын муш вордон удысын закон кылдоз

Удмурт Дунне
By Удмурт Дунне Май 28, 2018 15:18

3. Кондратьев кузпалъёс муш вордо, умортозы 50-лэсь трос, 100-лэсь ӧжыт, пе.

Со сярысь вераз Кун Кенешлэн Тӧроезлэн нырысетӥ воштӥсез Владимир Невоструев.

Туннэ угось кин но, кытын но чечыен вуз уг кары! Нош кин тодэ, макем вуззы ӟеч. Эскерисьёс ӧвӧл. Соин ик чечыен вуз карыны нимысьтыз интыос тупатоно, урод вузэз рынокысь палэнтоно, шуэ Владимир Невоструев.

— Чечы сяна, муш мукет пайда но вае: мӧль, прополис, маточной йӧл. Туннэ та удысын выро ужбергатӥсьёс вань. Удыссэс азинтыны, вуззэс элькунмылэн палэназ поттыны юрттоно. Башкирия аслыз бренд кылдытӥз ук. Удмуртиын но чечы умой, асьмелы но ним лэсьтон бордын ужано, — шуиз В. Невоструев.

Та удысэз паськытатон, пасекаосты йылтон вылысь хозяйствоосын кенешоно. Кылсярысь, жуг-жаген нюръяськон улсын бусыосы химикатъёс потто. Соослэсь мушъёс быро. Туннэ лобасьёсты утён амалъёс утчало. Адямиосты но утьыны кулэ. Муш лексемлэсь шугомисьёс лачак ук. Соин ик котькуд пасекае эмъюрттэт сётонъя сэрег кылдытоно, аптечка басьтоно но мукет ужрадъёс кутоно. В. Невоструев верамъя, чакламын мушкасьёсын кенешыны, соослэсь куронъёссэс санэ басьтыны, дэмланъёссэс нимысьтыз программае пыртыны. Закон луиз ке, чечыез шаермылэн палэназ поттон но умойгес азинтӥськоз.

Елена Сараматова

Удмурт Дунне
By Удмурт Дунне Май 28, 2018 15:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*