Удмурт югдытӥсьёслы сӥзем синпелетъёс

Удмурт Дунне
By Удмурт Дунне Май 29, 2018 10:52

Синпелетъёс пӧлысь ижъёс тодо крокодиллы сӥземзэ, Эшъяськон монументэз, К. Гердлы памятникез — Национальной музей вадьсын сылэменыз валче. Нош Т. Борисовлы, И. Наговицынлы сӥзем синпелетъёс ышыге кылемын.

Похожее изображение

Кузебай Герд (1898 — 1937)

Югдытӥсьлэн, писательлэн, тодосчилэн удмурт калык понна лэсьтэмез мертантэм. К. Гердлэн кылбуръёсыз, ужъёсыз удмурт калыклэсь асваланзэ ӝутӥзы.

Писателез СОФИН ужъя янгыше уськытӥзы, 1932-тӥ арын пытсэт сьӧры келязы. 1937-тӥ арын ыбизы.

Ижын солы сӥзем синпелет сылэ К. Герд нимо музей вӧзын, Коммунаръёслэн ульчаязы. 1925-тӥ-1926-тӥ аръёсы К. Герд та музейлэн директорез вал.

Та синпелет пуктэмын 2005-тӥ арын, удмурт кунлыклы 85 ар тырмон азьын. Лэсьтӥзы А. Аникин но В. Яковицкий скульпторъёс.

К. Гердлы сӥзем буре ваён пул юнматэмын Советской ульчаысь Кибашлыослэн элькун юртсы борды. Отын 1930-тӥ-1932-тӥ аръёсы ужаз К. Герд.

Ижын дано удмурт пилэсь нимзэ нулло гимназия, музей, ульча. К. Гердлэн музей-юртэз ужа Вавож ёросысь Гурезь-Пудга гуртын, со та палъёсын вордӥськиз. Эшшо дано югдытӥсьлы синпелет пуктэмын Вавож черкогуртын.


Трокай Борисовлы памятник пуктэмын калыклэсь люкам коньдонэн но

Трокай Борисов (1891 — 1943)

Трос лэсьтӥз удмуртъёслэсь автономной областьсэс кылдытон понна. Трофим Кузьмич — шаерысьтымы удмуртъёс пӧлысь нырысетӥез дышетскем врач. Тодмо луиз публицист, филолог, этнограф сямен но. 1918-тӥ-1921-тӥ аръёсы «Гудыри» газетлэн редакторез вал. Трокай Борисов 1933-тӥ арын СОФИН ужъя пытсэт сьӧры келямын. Улонысь кошкиз 1943-тӥ арын Казахстанысь Актюбинск лагерьын.

Ижын солы 2012-тӥ арын синпелет пуктэмын Коммунаръёслэн урамысьтызы 249-тӥ юрт азьын. Скульпторъёсыз — Виктор Овчинников но Геннадий Кутлыбаев. Озьы ик солы сӥзем синпелет вань Алнашын но.


Похожее изображениеИосиф Наговицын (1888 — 1937)

Дышетскиз Вяткаысь гурт удысъя училищеын, социал-демократической кружоке ветлылӥз. 1905-тӥ арын коммунистической партие пыриз. 1905-тӥ-1907-тӥ аръёсы калыкез революция лэсьтыны ӝутказ Вяткаын (Киров), Глазовын, Екатеринбургын. 1908-тӥ арын келямын ссылкае Сибире. 1913-тӥ арын пегӟиз кунгож сьӧры, Россие 1918-тӥ арын берытскиз. 1919-тӥ арын Вотской комиссариатысь нациосын ужанъя ёзэтэн кивалтӥз, берло Удмурт областьысь Революционной комитетлэн, областной Кенешлэн исполкомезлэн кивалтӥсьсы вал. 1926-тӥ арысен — РСФСР-ысь социальной обеспечениея комиссар. Кулӥз 1937-тӥ арын туберкулёзлэсь.

Ижын И. Наговицынлы сӥзем синпелет сылэ Советской урамысь 21-тӥ юрт азьын ышыгын. Со татчы пуктэмын 1988-тӥ арын, скульпторез Б. Козлов.

Ижын И. Наговицынлэсь нимзэ нуллэ ульча. Таӵе ик нимо урам вань Можга но Глазов городъёсын.

 

Кытын соос интыяськемын?

 

Ангелина Снигирёва

Удмурт Дунне
By Удмурт Дунне Май 29, 2018 10:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*