Туэ кизён ужъёс 4 нуналлы ӝегало

Удмурт Дунне
By Удмурт Дунне Май 10, 2018 15:00

Куазен ожмаськыса кадь, гектарен-гектарен кизьыны потӥзы хозяйствоос. 8-тӥ майлы Балезино, Камбарка, Сюмси, Яр но Якшур-Бӧдья ёросъёсысь гинэ бусыосын тракторъёс уг адско на вал.

М. Егоров

Ваньмыз кидыссы ушъямон Алнаш но Дэри ёросъёсын — таӵеез ӧй вал на.

Гурт удысъя но сиён-юонъя министерствоысь будосъёсъя но музъем кусыпъёсъя ёзэн кивалтӥсь Алевтина Бурдина ивортэмъя, туэ кизён ужъёс 4 нуналлы ӝегало. Май шорозь кизёнэз ӧм йылпумъялэ ке, ю-нянь кисьмаса уз вутты шуыса кышкан кылдэ. Кышкытлык вань, музъем укыр ӝог кӧсалоз шуыса но. Туэ угось лымы вань бусыосысь огкадь шуназ. Таин валче музъемез небӟытон, узьымез удобрениен пазян, кизён огдыре тупазы. Нош ужасьёс но, техника но сояз но, таяз но огдыре вуттӥськыны уг пӧрмыто. Озьы 9-тӥ Май праздник азьын 6 сюрс 700 гектаре ю тысь киземын, чакламлэсь со 2 процент. Миым та вакытэ 78 сюрс гектар вылэ киземын ни вал. Тужгес чупрес ужало воткаос, вавожъёс, дэриос, уваос но алнашъёс.

Шаерамы вань кидыс пӧлысь 87 процентэз ӟеч. Ваньмыз кидыссы ушъямон Алнаш но Дэри ёросъёсын — таӵеез ӧй вал на. Но кидыссэс ляб дасямъёс вань: Камбарка но Дэбес ёросъёс 56-78 процентозь гинэ вуттӥськизы.

Котькуд гектаре шорлыдын 13,3 килограмм удобрение сюре. Со дыре ик Камбарка 7-тӥ арзэ удобрение воксё уг басьты. Таин сэрен миым но со гектарысь 12 центнер сяна урожай басьтыны ӧз пӧрмыты — шаерамы 19,8 центнер — ноку адӟылымтэ — урожай люказы. Удобрениен секыт югдур Красногорскын — 0,1 килограмм но Юкаменскын — 2,2 килограмм котькуд гектарлы. Озьыен, урожай тырмыт люкалозы шуыса осконъёс пичиесь, пусъе Алевтина Бурдина.

Нош луонлыкъёс кылдытэмын вал. 819 миллион манет субсидия гуртоос дорозь вуттэмын ни. Куд-огез таин выль сеялка басьтӥз. Кылсярысь, Можга ёросысь «Родина» хозяйствоын выль техникаен ужало. Татын котькуд гектарлы 33,9 килограмм удобрение басьтэмын. Зэм, миым люкам няньзы хозяйствоосысь кеносъёсын трос на бере, куд-ог ёросъёс туэ ю тысь интые уногес кизьыны медо одӥг аръем турын.

Елена Сараматова
Туспуктӥз Максим Егоров

Удмурт Дунне
By Удмурт Дунне Май 10, 2018 15:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*