Пичи Пурга ёросысь Кабыста гуртын кылдоз «Шутэтскон азбар»

Удмурт Дунне
By Удмурт Дунне Май 10, 2018 13:49

Пичи Пурга ёросысь Улӥ Посьтол муниципал кылдытэт, 1 сюрслэсь ӧжыт улӥсьёсын поселениос пӧлын устоосыз пӧлы шедьыса, «Шутэтскон азбар» проектэзлы 170 сюрс манетлы сертификат басьтӥз.

Пичи Пурга ёросысь Улӥ Посьтол муниципал кылдытэтлэсь кивалтӥсьсэ Ф. Верёвкинэз ӟечкылаз Удмуртилэн Тӧроез А. Бречалов.

Муниципал кылдытэтлэн кивалтӥсез Фёдор Верёвкин шуэ: та вормон — быдэс поселенизылэн. Гурт администрацие 2 гурт пыре: Улӥ Посьтол но Кабыста. Кыказ но огмындагес улӥсез — 450 пала. Но клуб Улӥ Посьтолын интыяськемын бере, тросэз ужрадъёс отын ортчыло.

— Кабыстаосмылэн но мӧзмыса улэмзы уг поты, соос котьмалы туж мыло-кыдоесь, — вераз Фёдор Владимирович. — Озьы гуртамы шутэтскон инты лэсьтыны мылкыдмы вазенгес ик кылдӥз ни вал — проектэз гуртоосын ӵош огъя кужымен дасям. Табере сое улонэ пыӵатыны луонлыкмы кылдӥз!

Кабыстаын ог 10 ар талэсь азьло кылдӥз хоккеен шудон инты. Толалтэ со уг бушалля. Зэм, гужем отын мӧзмытгес луэ. Соин ик гуртоослэн малпанзы кылдэм: хоккей коробка борды ӟусъёсын, нылпиослы шудон интыен азбар кулэ на. Нош проектсылы уксё сётӥзы бере, тренажёръёс но пуктыны луонлыксы вань. Гурт администрациен кивалтӥсь верамъя, отын, пе, котькин шутэтскыны мед быгатоз: нылпиос но, егитъёс но, песянай-песятайёс но…

Кабыстаын берло аръёсы гинэ огез бӧрсьы мукетыз выль юртъёс пуктӥськизы. Ог 100 нылпиос будо. Мукет гуртъёсын ӵошатыса, егитъёс татысь кошкыны уг дырто. Гуртын улӥсьёслэн лыдзы кылем арын но кӧнялы ке йылӥз.

Элина Кумачёва
Туспуктэм: udmurt.ru

Удмурт Дунне
By Удмурт Дунне Май 10, 2018 13:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*