Фин-угор чеберай луиз удмурт ныл Евгения Аркова

Удмурт Дунне
By Удмурт Дунне Май 28, 2018 12:20

Кылем арняе Марий Элын фин-угор нылъёс пӧлын «Мисс студенчества финно-угрии» вожвылъяськон ортчиз. Отчы пыриськизы пӧртэм университетъёсысь 7 нылъёс.

Нылъёслы вожвылъяськонын возьматоно луиз калык дӥськутсэс, сям-йылолъёсты. Озьы ик — пӧртэм ласянь быгатонлыкъёссэс. Вераны кулэ, Удмуртиысь татчы 2 нылъёс пыриськизы — Удмурт кун университетысь Удмурт кылосбуръя, финноугровдениея но журналистикая институтысь Евгения Аркова но Глазкарысь В. Г. Короленко пединститутысь Елизавета Третьякова.

Вормиз Евгения Аркова, со сяна, солы «Мисс «Love Republic» ним сётӥзы. Евгенияен интервьюез лыдӟыны быгатӥськоды «Дарт» газетлэн выль номерысьтыз. Елизавета Третьякова тужгес устоез кырӟась луиз. Табере вуоно вожвылъяськон Ижын ортчыны кулэ. Вераны кулэ, Евгениялэсь азьвыл та вожвылъяськонэз удмуртъёс пӧлысь кырӟась Алина Антонова гинэ вормылыны быгатылӥз.

Тодады вайытом, кылем арын та конкурсын  Глазкарысь педагогикая кун институтысь Лия Стрелкова «Мисс Дружба» номинациын вормиз.

Мария Иванова
Туспуктэмъёс: vk.com («Мисс-студенчества Финно-Угрии 2018»)

Удмурт Дунне
By Удмурт Дунне Май 28, 2018 12:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*