Егитъёслэн парламентэнызы кивалтоз Константин Алексеев

Удмурт Дунне
By Удмурт Дунне Май 30, 2018 16:33

Ижысь интернет проектъёсын вырись компанилэн кивалтӥсез Константин Алексеев.

Таяз арняе Кун Кенеше нырысьсэ люкаськылӥз Егитъёслэн парламентсылэн 4-тӥ созывез. 2 ар ӵоже 60 егитъёс выль законопроектъёс дэмлалозы, егитъёслэсь улонзэс умоятон бордын тыршозы.

Парламентэ пыртэмын устоосыз пӧлысь устоосыз егитъёс: ӝыныез — ёросъёс парламентъёсысь, ӝынызэ бырйиз нимысьтыз кылдытэм комиссия, егитъёслэсь проектъёссэс дунъяса. Кылсярысь, УдГУ-ысь Удмурт кылосбуръя, финноугроведениея но журналистикая институтысь егит дышетӥсь Александр Корепанов шуэ: удмурт кылъя курсъёсты азинтоно. Татын кылэз эшшо но золгес дышетоно, культурае мургес выёно. Вераны кулэ, егит муртлы оскемын кивалтыны Культурая, туризмъя но йӧскалык политикая комитетэн.

— Али комитетамы 7 адями гожтӥськемын. Огез ужпуммы: егитъёсты удмурт культурае, удмурт ужрадъёсы кыскыны, — вера Александр Корепанов. — Ми тодӥськом, али вераськонъёс мыно: анай кылъёсты школаын одно ик дышетоно яке факультатив гинэ кельтоно. Малпасько ми но, егит парламентарийёс, та ужпумез сэрттонэ пыриськом.

Нырысетӥ сессиын быръемын вал Егитъёслэн парламенсылэн тӧроез — Ижысь интернет проектъёсын вырись компанилэн кивалтӥсез Константин Алексеев.

Мария Векшина
Туспуктэм: udmgossovet.ru

Удмурт Дунне
By Удмурт Дунне Май 30, 2018 16:33
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*