Зинаида Рябинина пӧяськись иворъёс сярысь

Удмурт Дунне
By Удмурт Дунне Апрель 16, 2018 14:25

Зинаида Рябинина, валтӥсь редактор

Котьма понна иворчиос янгыш шуэмлы азьвыл ӝожомоно вал, нош берло аръёсы амалтэк сое валаны кутсконо.

Зэм, пӧртэм иворчиос вань — кин кытын ужа, кин кытысь уксё басьтэ, соя ик кариське. Валаны луэ кадь блогеръёсты но — соос вотэсын асьсэлы тросгес лыдӟись люканы выро, быгатӥсьёсыз со чотын уксё потто. Но малы кулэ эскерымтэ иворъёсты калыке вӧлмытыны огшоры адямиослы? Уката паймисько, сыӵе ужен выро ке асьсэды журналист нимасьёс, сыӵеос вань удмурт эшъёсмы пӧлын но. Журналист ке — юалляськы, тод-кар но лэсьты аслэсьтыд репортаждэ, мар муртлэн бакчаяз ворттылӥськод?

Сыӵе висён тужгес но аля, кыӵе ке бадӟым учыр тупаку: быръёнъёс, кайгу, воштӥськонъёс дыръя — но котьку югдурез зуркатон, калыкез кышкатон понна. Озьы луиз Кемеровоын кышкыт тылпу бере но. Интернетэ кытӥ мар сюосын юзырес иворъёс потӥзы — ваньзэ лыдӟыса но уд вутты. Гожтэм манерзыя ик валаны луэ кадь: данакез — пӧяськон, но вотэсын пукыны ваньмемъёс мыло-кыдо перепостъёс лэсьто. Но со адямиос асьсэос уг нуо буре ваён пул доры сяська, уг ысто кайгырись семьяослы коньдонэн юрттэт, соос пуко, дунтэм лайкъёссэс лыдъяса. Нош куке эскеронъёс шараяло, со иворъёс фейк (пӧяськон) шуыса но авторъёссэс кыл кутон улэ кыскыны выро, «зэмлык понна нюръяськисьёслэн» страницаосысьтызы постъёс син куспын ышо!

Та рад выль тема сюриз — Россиысь коньдон ужпумъёсъя министр А. Силуанов, пе, шуиз: государство пенсия тырон сярысь уз сюлмаськы ни, калык ачиз со понна мед бӧрдоз! Мынам солы дурбасьтыны муге ӧвӧл, но А. Силуанов вераз пенсиослэн люкан (накопительной) люкетсы сярысь: «Кун ласянь пенсия сётон сяна, гражданъёс асьсэос но сюлмаськыны кулэ, ужамысь дугдэмзы бере ӟечгес коньдон басьтыны мед быгатозы шуыса». Бен, пенсиосъя системаын воштӥськонъёс сярысь кемалась верасько ни, но со уг вера ук, кун ас адямиоссэ пенситэк кельтоз шуыса. Соин ик ойдолэ, югдурез тодытэк-маратэк, токма адямиосты ум шузимытэ.

Удмурт Дунне
By Удмурт Дунне Апрель 16, 2018 14:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*