Удмуртиын Парадельфийской шудонъёсы пыриськон понна вожвылъяськон кутске

Удмурт Дунне
By Удмурт Дунне Апрель 11, 2018 15:00

11-тӥ-17-тӥ шуркынмонэ Удмуртиын ортчозы калыккуспо Парадельфийской шудонъёс.  Али улосвылъёсын быръё, кин отчы мыноз.

Парадельфийской шудонъёсы пырисько инвалид усточиос. Соос ӵошатскозы 8 амалъёсъя: суредаськон, театр, цирк, эктон, чебер вераськон, крезьгур но мукет. Усточиослы ӧсъёссэс усьтозы шаерысьтымы Удмурт, Ӟуч театръёс, цирк но мукет юртъёс. Вераны кулэ, шудонъёсты меӵак эфирысь адӟыны луоз.

Та толэзьёсы котькуд улосвылъёсын быръё, кин мыноз Парадельфийской шудонъёсы. Удмуртиын вожвылъяськон ортчоз 11-тӥ оштолэзьысен 15-тӥ куартолэзёзь. Со понна method @ unatlib.org .ru электрон почта пыр лэзёно быгатонлыкъёстэс возьматӥсь туспуктэмъёсты, фото-видеофайлъёсты. Эн кышкалэ вазиськыны, шудонъёсы котькудӥз пыриськыны быгатоз: сукыр-а со, кыллись-а… Быгатонлыкъёсыныз гинэ мед паймытоз!

Сӥзьыл Удмуртие вуозы быдэс дуннеысь 2 сюрс пала усточиос. Кызьы верало радъясьёс, та шудонъёслэн валтӥсь ужпумзы: поттыны инвалидъёсты зэмос улонэ, возьматыны соослэсь быгатонлыкъёссэс но адямиос куспын борддоръёсты куашкатыны.

Мария Иванова

Удмурт Дунне
By Удмурт Дунне Апрель 11, 2018 15:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*