«Удмурт дунне» газет ортчытэ «Лулы мынам возь бубыли ке но…» кылбур ӝыт

Удмурт Дунне
By Удмурт Дунне Апрель 3, 2018 13:19

10-тӥ апреле 18.00 часын «Удмурт дунне» газетлэн редакциез Г. Д. Красильниковлэн музей-юртэныз ӵош ортчытэ «Лулы мынам возь бубыли ке но…» кылбур ӝыт.

Ужрадэ пыриськозы пӧртэм вакытъёсы вордӥськем нылкышно кылбурчиос, мӧйы но егит гожъясьёс, соослэсь творчествозэс эскерисьёс. Ӝыт сӥземын А. Окилэн вордӥськем дырысеныз 120 ар тырмонлы.

Воштӥськиз-а кылбур дунне даур ӵоже? Мар али огазея арлыдо но егит нылкышно кылбурчиосты? Марлы соос кылбуръёс гожъяло?

Возьмаськом вань мылкыд карисьёсты таӵе адресъя: Г. Д. Красильниковлэн музей-юртэз, Горький ульча, 45 номеро юрт, «18к» домофон. (Лыктоно 6, 9 номеро троллейбусэн, 2, 11, 15, 36, 26, 27 номеро автобусэн «Долгий мост. Сбербанк» остановкаозь).

Елена Миннигараева

Афишаез лэсьтӥз Вера Штыкова

Удмурт Дунне
By Удмурт Дунне Апрель 3, 2018 13:19