Тӧр шорамы — Тӧро

Удмурт Дунне
By Удмурт Дунне Апрель 19, 2018 14:19
М. Егоров

Удмуртилэн Тӧроез А. Бречалов вуылӥз «Удмурт дунне» газетлэн редакцияз.

«Удмурт дунне» газетлэн редакцияз куное вуылӥз Удмуртилэн Тӧроез Александр Бречалов.

Таӵе бадӟым кивал-тӥсьлэн удмурт иворчиос доры лыктэмез шуак луиз ке но, пумиськонмы туж шуныт мылкыдын ортчиз. Коридорысь «Удмурт дуннелы — 100» стендэз синйылтыса, Тӧро со азьын туспуксьыны мылкыд кариз, пумен историенымы тунсыкъяськиз, нош куасэн бызьылонъя ӵошатсконъёсмылы сӥзем адӟытон доры дугдӥз но та ужрадмы сярысь юалляськиз — тодмо уго, кивалтӥсь гажа спортэн вырисьёсты. Редакторлэн кабинетаз пырыса, кивалтӥсь нырысь ик газет подшивкаез учкыны мылкыд кариз, угось гужем пумиськылыкумы, ӵап Александр Владимирович удыс кивалтӥсьёсмес луонлык утчаны косӥз удмурт газетэз буёло поттыны. Кельшоз-а, уз-а газетмылэн тусыз? Ӧз… Ӝыныё ӧвӧл, быдэссэ турлы буёло кароно вылэм, шуиз со, газетъёсты кияз бергатыса.

Коллективен вераськон ӧръяськиз чай юон сямен.

Тодмо, Александр Владимирович яратэ калыкен ужаны — солы меӵак юан сётыны луэ соцвотэсын — отчы нуналлы быдэ дасоосын ӝожтӥськонъёс-вазиськонъёс вуо. Малы калык чыры-пырыен но вазиське Тӧролы, интыосысь кивалтӥсьёслы интые? Вань-а кыӵе ке пайдаез газет пыр лэчыт ужпумъёсты ӝутэммылэн — оло, кулэ но ӧвӧл со сярысь гожъяны?

— Одно ик кулэ, — шуиз А. Бречалов. — Вотэсэ куддыр ӧвӧлтэмзэ но вань карыса гожъяло, мылкыдзэс кисьто, куддыр мазэ-созэ валатэк. Газетчиослы мон оскисько, тӥ эскерем информация сётӥськоды шуыса, соин ик юрттӥсьёсме курисько газетъёсын ӝутэм сюлмаськытӥсь югдуръёслы нимысьтыз саклык висъяны, со учыръёсъя ужрадъёс кутыны, — вазиськиз со советникезлы Алексей Серебренниковлы.

Оштолэзе (апреле) ар тырмиз ини А. Бречаловлэн Удмуртиен кивалтэмезлы. Кыӵе йылпумъянъёс лэсьтӥз со ас понназ?

— Арлэн йылпумъянъёсыз пумысен мон нимысьтыз вераськыны малпасько Кун Кенешлэн 24-тӥ оштолэзе ортчоно сессияз, — шуиз Тӧро. — Но вакчияк гинэ ке, оглом мылкыды урод ӧвӧл.

Тужгес валтӥсез — асьмеос быгатӥм бюджетэз утьыны. Ар талэсь азьло Удмуртие вуыкум, со копак гуэ усемын вал, али каллен-каллен югдурез тупатыны выриськом: 2 миллиард манетлы кулэстэмын кун долг, зол шыръяны пӧрмытӥм кредитъёслы процентъёсты кулэстэмен валче — уксёез банкъёслы кузьматозь, эсьма, школа, нылпи сад пуктод, озьы ук? Удмуртиын улон-вылон мынам возьманъёсылэсь трослы тунсыкогес вылэм. Тужгес но шумпотто ужбергатӥсьёс — соос быгато бизнессэс Москваын но, Санкт-Петербургын но, Сингапурын но, Австралиын но азинтыны. Жаль, конешно, тросэз кунгож сьӧры кошкемын, татын юрттэт шедьтытэк. Кызьы ке берыктыны пӧрмытысалмы ке…

М. Егоров

Мар ӧз пӧрмы? Ӧзгес быдэсме осконъёсы команда пумысен. Тани та дырозь йылаз-пумаз ӧвӧл на кылдытэмын Правительство. Потэ вылэм, вылӥ кивалтӥсьёс золгес, пайдаёгес мед ужалозы, но, жаляса верано, тодон-валанмы уг тырмы. Дышетсконо. Соин валче али Москваын радъяськом кивалтӥсьёсты дышетонъя нимысьтыз курсъёс.

Ӝоген тодмо луоз Правительстволэн выль структураез. Кин ке, оло, паймоз, но луозы кулэстонъёс. Чиновникъёслэн лыдзы Удмуртиын укыр бадӟым, со дыре ик уж интыяз сылэ. Йырез золгес бергатоно, шаплыгес бызьылоно. Тани кылем арын коньывуонэ (октябре) мыным шуизы: Ижысь Прасовской пролкаысь школаез но, реабилитацитонной центрез но усьтыны ум пӧрмытэ, сиротаослы улон инты басьтыны висъям коньдонэз, оло нош, воксё бюджетэ берыктоно луом… Ваньзэ лэсьтыны пӧрмытӥм!

— Нош пӧрмоз-а 2020-тӥ арлы Удмурт культурая центрез усьтыны? Угось берло дыре та ужпум чалмиз кадь…

— Одно ик, — мылкыдмес ӧз куашкаты Александр Владимирович. — Ми дась вал В. Короленко нимо театрлэсь азьвыл юртсэ тупатъян понна туэ ик коньдон висъяны, но сое эскерыса, ваньзэ лыдъяса-чотаса, валам: выль юрт ӝутыны дунтэмгес усёз! Эн сюлмаське, сылоз со интыын ик, элькунмылы 100 ар тырмон азьын Удмурт культурая центр одно луыны кулэ.

Городысь егит удмурт семьяос сюлмасько нылпиоссэс анай кылзэс дышетыса будэтон пумысен. Одӥг гинэ удмурт гимназия вань мылкыд карисьёсты уг тэрыты, вераськон мынэ ни 2 сменаен дышетон пумысен. Ӧвӧл-а луонлык эшшо одӥг удмурт школа усьтыны, кылсярысь, «Столичный» микрорайонын туж трос егит семьяос ук, нош отын чылкак одӥг гинэ школа, сюлмаськонзэ усьтӥз трос нылпиё анай, корреспондентмы Елена Скворцова.

— Мон лэсьтонтэмзэ уг сӥзьы, — меӵак вераз Тӧро. — Бюджетэз тодӥськоды. Туннэ нуналлы Ижкарын 8 школа уг тырмы! Конешно, луэ азьвыл сямен выльысь кредитъёс октыны, пуктӥськыны кутскыны, но кыӵе югдуре собере вуом, валаськоды, дыр…

«Удмурт дунне» котькыӵе вакытъёсы бадӟым саклык висъялляз гуртоослэн улэм-вылэмзылы. Ар ӵоже ми сюлэсь трос гуртъёсы вуылӥськом. Туннэ нуналлы ог 250-аз 3-ысен 70 муртозь гинэ уло. Сыӵе интыосты адӟыса, сюлэм шымырске. Луоз-а ик-а куке пичи гуртъёслы юрттэт? — лыдӟисьёсмылэсь тужгес сюлмаськытӥсь юанзэс, дыр, сётӥз Елена Сараматова.

Но та рад Александр Владимирович ӧз шумпотты, со аслэсьтыз малпанзэ чеберъятэк вераз: мон уг лыдъяськы, укыр пичи гуртъёсты кужмысь утьыны выроно шуыса. Гуртъёс уло, отын хозяйство ке пыд йылаз сылэ: соку отын вань сюрес но, уж но. Нош ӧвӧл ке, зэм но, калык курадӟыса улэ. Курадӟе, но кошкыны ваменске. Нош кытын ке кӧня ке иськемын гинэ ӟеч гурт вань: сюресэн, магазинэн, медпунктэн. Туннэ ӧвӧлтэм коньдонмес но со 250 гуртэ сюрес лэсьтыны куштӥм ке, мар кылёз на? Мон дунъясько ужбергатӥсьёсты — тросэтӥ ӵап соос улӟытъямын бырись гуртъёсты, но ас кожазы соос но уг пӧрмыто улыны-вылыны: сӥзьыл-тулыс со гуртъёсысь тракторен но потамзы уг луы, кызьы отын бизнесэз азинтод?

М. ЕгоровНо шуге-леке вуэмын хозяйствоос но… Тани лыдӟисьёсмы милемды пыкыло, мыдлань ивор гожъяськом шуыса: йоллы дунъёс усемен, элькун 200 миллион манет юрттэт висъяз шуыса пояськоды, пе…

— 200 миллион вӧзы эшшо 100 ватсамын на. Хозяйствоослэн кивалтӥсьёссылэсь мылкыдзэс мон берло дыре уггес валаськы. Ми юромо эскерон ортчытӥм: ӵошатӥм кӧня ке улосъёсысь йӧллы закупочной дунъёсты. Удмуртиын югдур, мукет интыосын сярысь, умойгес ай — килограмм йӧл быдэс манетлы дуноенгес басьтӥське, соин ик медаз ӝожтӥське. Сыӵе дыръя мон Вавож ёросэз верасько: кызьы-озьы луэ, 3-яз хозяйствоын котькуд скаллэсь 8 сюрс килограмм йӧл кыско, нош 5 мукетаз — 5 сюрс но уг? Мон валасько, малы уксё куро ӟеч хозяйствоос — соослэн уката зол азинскемзы потэ, нош лябъёсыз — асьсэлэсь быгатымтэзэс кышъян понна. Ойдолэ соку малпаськом, гурт хозяйство — со социальной удыс-а яке экономика ик?

Тӧро озьы ик аслэсьтыз мылкыдзэ вераз город хозяйствоын кылдэм югдур пумысен но мукет.

— Улон-вылонмы потэ нырысь ик асьме бордысь. Котькудӥз ужась, котькудӥз кивалтӥсь ас интыяз вань сюлмысьтыз тыршысал ке, югдур трослы ӟечгес луысал. Асьмелэн малы ке дышемын косъяськемез возьманы, тани мон толалтэ арнялы каникулэ кошки но — городын соку ик лымы сярысь вунэтӥзы, берытски но — ульчаосты сузяны кутскизы. Но малы озьы? Адями со понна уждун басьтэ ук! Со ас ужзэ мон понна гинэ быдэсъяны кулэ ӧвӧл. Зэмзэ ке, Ижын-а мон, палэнын-а, мон татысь югдурез котьку син азям возисько. Тани али арня ӵоже Удмуртиын ӧй вал, но мон кивалтӥсьёсын ӝыт но, ӵук но онлайн-кенешъёс ортчытъяй.

егоров

Александр Владимирович туж шумпотӥз Дэри ёросысь Подшивал гуртысь лыдӟисьмылэн шуныт кузьымезлы.

Милям нокызьы но вератэк кельтэммы ӧз поты лыдӟисьёсмы сярысь но — соос укыр трос ӧвӧл ке но, ми шӧдӥськом газетмес гажамзэс. Соос котьку син азязы возё элькунысьтымы югдурез, кивалтӥсьёслэсь ужамзэс. Лымы дыръя ай редакцие Дэри ёросысь Подшивал гуртысь Галина Захаровамы пыриз: дотово, пе, синмаськисько Бречаловлы, спортсмен луэмысьтыз-а, мар-а, пинал дыръям ачим но куасчи вал. Адӟи, пӧзен но ветлыны уг возьдаськы шуыса, но усьтыр-дабыр киям вень кутӥ, сётэ, пожалуйста, кузьымме! Пӧзьзэ сётонэн ӧжыт ӝегам, нимысьтыз учыр возьмам уго, но тол нош вуоз ук ай! Александр Владимирович туж шумпотӥз сыӵе шуныт кузьымлы — угось со зэмзэ но сюлмысь лэсьтэмын.

Жаль, кенешыны дыр ӧжыт вал, Тӧролэн дырыз часэн-минутэн гожъямын, но мукетаз пумиськонэ ӧжыт ӝегаса но, со ачиз ӵектӥз дэмен туспуксьыны. Элькун тӧроосын ӵош, чай юыса, ми ӧм пукылэ на вал.

Тужгес валтӥсез — асьмеос быгатӥм бюджетэз утьыны. Ар талэсь азьло Удмуртие вуыкум, со копак гуэ усемын вал, али каллен-каллен югдурез тупатыны выриськом: 2 миллиард манетлы кулэстэмын кун долг, зол шыръяны пӧрмытӥм кредитъёслы процентъёсты кулэстэмен валче — уксёез банкъёслы кузьматозь, эсьма, школа, нылпи сад пуктод, озьы ук? Удмуртиын улон-вылон мынам возьманъёсылэсь трослы тунсыкогес вылэм. Тужгес но шумпотто ужбергатӥсьёс — соос быгато бизнессэс Москваын но, Санкт-Петербургын но, Сингапурын но, Австралиын но азинтыны. Жаль, конешно, тросэз кунгож сьӧры кошкемын, татын юрттэт шедьтытэк. Кызьы ке берыктыны пӧрмытысалмы ке…

Мар ӧз пӧрмы? Ӧзгес быдэсме осконъёсы команда пумысен. Тани та дырозь йылаз-пумаз ӧвӧл на кылдытэмын Правительство. Потэ вылэм, вылӥ кивалтӥсьёс золгес, пайдаёгес мед ужалозы шуыса, но, жаляса верано, тодон-валанмы уг тырмы. Дышетсконо. Соин валче али Москваын радъяськом кивалтӥсьёсты дышетонъя нимысьтыз курсъёс.

Ӝоген тодмо луоз Правительстволэн выль структураез. Кин ке, оло, паймоз, но луозы кулэстонъёс. Чиновникъёслэн лыдзы Удмуртиын укыр бадӟым, со дыре ик уж интыяз сылэ. Йырез золгес бергатоно, шаплыгес бызьылоно. Тани кылем арын коньывуонэ (октябре) мыным шуизы: Ижысь Прасовской пролкаысь школаез но, реабилитационной центрез но усьтыны ум пӧрмытэ, сиротаослы улон инты басьтыны висъям коньдонэз, оло нош, воксё бюджетэ берыктоно луом… Ваньзэ лэсьтыны пӧрмытӥм!

— Нош пӧрмоз-а 2020-тӥ арлы Удмурт культурая центрез усьтыны? Угось берло дыре та ужпум чалмиз кадь…

— Одно ик, — мылкыдмес ӧз куашкаты Александр Владимирович. — Ми дась вал В. Короленко нимо театрлэсь азьвыл юртсэ тупатъян понна туэ ик коньдон висъяны, но, сое эскерыса, ваньзэ лыдъяса-чотаса, валам: выль юрт ӝутыны дунтэмгес усёз! Эн сюлмаське, сылоз со интыын ик, элькунмылы 100 ар тырмон азьын Удмурт культурая центр одно луыны кулэ.

Городысь егит удмурт семьяос сюлмасько нылпиоссэс анай кылзэс дышетыса будэтон пумысен. Одӥг гинэ удмурт гимназия вань мылкыд карисьёсты уг тэрыты, вераськон мынэ ни 2 сменаен дышетон пумысен. Ӧвӧл-а луонлык эшшо одӥг удмурт школа усьтыны, кылсярысь, «Столичный» микрорайонын туж трос егит семьяос ук, нош отын чылкак одӥг гинэ школа, сюлмаськонзэ усьтӥз трос нылпиё анай, корреспондентмы Елена Скворцова.

— Мон лэсьтонтэмзэ уг сӥзьы, — меӵак вераз Тӧро. — Бюджетэз тодӥськоды. Туннэ нуналлы Ижкарын 8 школа уг тырмы! Конешно, луэ азьвыл сямен выльысь кредитъёс октыны, пуктӥськыны кутскыны, но кыӵе югдуре собере вуом, валаськоды, дыр…

«Удмурт дунне» котькыӵе вакытъёсы бадӟым сак-лык висъялляз гуртоослэн улэм-вылэмзылы. Ар ӵоже ми сюлэсь трос гуртъёсы вуылӥськом. Туннэ нуналлы ог 250-аз 3-ысен 70 муртозь гинэ улэ. Сыӵе интыосты адӟыса, сюлэм шымырске. Луоз ик-а куке пичи гуртъёслы юрттэт? — лыдӟисьёсмылэсь тужгес сюлмаськытӥсь юанзэс, дыр, сётӥз Елена Сараматова.

Но та рад Александр Владимирович ӧз шумпотты, со аслэсьтыз малпанзэ чеберъятэк вераз: мон уг лыдъяськы, укыр пичи гуртъёсты кужмысь утьыны выроно шуыса. Гуртъёс уло, отын хозяйство ке пыд йылаз сылэ: соку отын вань сюрес но, уж но. Нош ӧвӧл ке, зэм но, калык курадӟыса улэ. Курадӟе, но кошкыны ваменске. Нош кытын ке, кӧня ке иськемын гинэ, ӟеч гурт вань: сюресэн, магазинэн, медпунктэн. Туннэ ӧвӧлтэм коньдонмес но со 250 гуртэ сюрес лэсьтыны куштӥм ке, мар кылёз на? Мон дунъясько ужбергатӥсьёсты — тросэтӥ ӵап соос улӟытъямын бырись гуртъёсты, но ас кожазы соос но уг пӧрмыто улыны-вылыны: сӥзьыл-тулыс со гуртъёсысь тракторен но потамзы уг луы, кызьы отын бизнесэз азинтод?

Но шуге-леке вуэмын хозяйствоос но… Тани лыд-ӟисьёсмы милемды пыкыло, мыдлань ивор гожъяськом шуыса: йӧллы дунъёс усемен, элькун 200 миллион манет юрттэт висъяз шуыса пӧяськоды, пе…

— 200 миллион вӧзы эшшо 100 ватсамын на. Хозяйствоослэн кивалтӥсьёссылэсь мылкыдзэс мон берло дыре уггес валаськы. Ми юромо эскерон ортчытӥм: ӵошатӥм кӧня ке улосъёсысь йӧллы закупочной дунъёсты. Удмуртиын югдур, мукет интыосын сярысь, умойгес ай — килограмм йӧл быдэс манетлы дуноенгес басьтӥське, соин ик медаз ӝожтӥське. Сыӵе дыръя мон Вавож ёросэз верасько: кызьы-озьы луэ, 3-яз хозяйствоын котькуд скаллэсь 8 сюрс килограмм йӧл кыско, нош 5 мукетаз — 5 сюрс но уг? Мон валасько, малы уксё куро ӟеч хозяйствоос — соослэн уката зол азинскемзы потэ, нош лябъёсыз — асьсэлэсь быгатымтэзэс кышъян понна. Ойдолэ соку малпаськом, гурт хозяйство — со социальной удыс-а яке экономика ик?

Тӧро озьы ик аслэсьтыз мылкыдзэ вераз город хозяйствоын кылдэм югдур пумысен но мукет.

— Улон-вылонмы потэ нырысь ик асьме бордысь. Коть-кудӥз ужась, котькудӥз ки-валтӥсь ас интыяз вань сюлмысьтыз тыршысал ке, югдур трослы ӟечгес луысал. Асьмелэн малы ке дышемын косъяськемез возьманы, тани мон толалтэ арнялы каникулэ кошки но — городын соку ик лымы сярысь вунэтӥзы, берытски но — ульчаосты сузяны кутскизы. Но малы озьы? Адями со понна уждун басьтэ ук! Со ас ужзэ мон понна гинэ быдэсъяны кулэ ӧвӧл. Зэмзэ ке, Ижын-а мон, палэнын-а, мон татысь югдурез котьку син азям возисько. Тани али арня ӵоже Удмуртиын ӧй вал, но мон кивалтӥсьёсын ӝыт но, ӵук но онлайн-кенешъёс ортчытъяй.

Милям нокызьы но вератэк кельтэммы ӧз поты лыдӟисьёсмы сярысь но — соос укыр трос ӧвӧл ке но, ми шӧдӥськом газетмес гажамзэс. Соос котьку син азязы возё элькунысьтымы югдурез, кивалтӥсьёслэсь ужамзэс. Лымы дыръя ай редакцие Дэри ёросысь Подшивал гуртысь Галина Захаровамы пыриз: дотово, пе, синмаськисько Бречаловлы, спортсмен луэмысьтыз-а, мар-а, пинал дыръям ачим но куасчи вал. Адӟи, пӧзен но ветлыны уг возьдаськы шуыса, но усьтыр-табыр киям веньёс кутӥ, сётэ, пожалуйста, кузьымме! Пӧзьзэ сётонэн ӧжыт ӝегам, нимысьтыз учыр возьмам уго, но тол нош вуоз ук ай! Александр Владимирович туж шумпотӥз сыӵе шуныт кузьымлы — угось со зэмзэ но сюлмысь лэсьтэмын.

Жаль, кенешыны дыр ӧжыт вал, Тӧролэн ваньмыз часэн-минутэн гожъямын, но мукетаз пумиськонэ ӧжыт ӝегаса но, со ачиз ӵектӥз дэмен туспуксьыны. Элькун тӧроосын ӵош, чай юыса, ми ӧм пукылэ на вал.

Зинаида Рябинина,

валтӥсь редактор

Туспуктӥз Максим Егоров

Удмурт Дунне
By Удмурт Дунне Апрель 19, 2018 14:19