Шаркан ёросысь конструктор Николай Сафронов ракетаосты малпалляз

Удмурт Дунне
By Удмурт Дунне Апрель 12, 2018 11:53

Гондырвайысь потэм конструктор Николай Александрович Сафронов.

Туннэ, 12-тӥ оштолэзе, Россиын пусйиськом Космонавикалэсь нуналзэ. Та удысын ужамын Шаркан ёросысь Гондырвайысь потэм конструктор Николай Александрович Сафронов. «Удмуртия» книгапоттониысь валтӥсь редактор Георгий Грязев со сярысь «Гондырвайысен — инсьӧре» очерк гожтӥз.

— Школазэ йылпумъямез бере Николай Сафронов сютэм аръёс вылтӥ Сарапулын дышетске, собере армие мынэ, отын синйылто но, егит воргоронлэн луонлыкез кылдэ Киевысь политехнической институтын дышетскыны. Ужаны мынэ Киевысь радиозавод бордысь наукаен вырись институтэ, — вера Георгий Грязев. — Со пыриське «Буран» ракетаосты лэсьтонэ, луэ валтӥсь конструкторлэн воштӥсез. Солы палэнэ потаны уг яра вал бере, Шаркан палъёсаз ватскыса бертылӥз, пенсие потэмез бере гинэ гинэ ӵемгес та пала вуылыны кылдӥз. Шарканын солэн 2 апайёсыз уло, очерк гожтыкум, мон соосын пумиськылӥ.

Николай Александрович ӟеч тыршиз СССР-лэн «Энергия- Буран» программа бордаз, лэсьтэмын вал уно ракетаос. Конструктор пусъемын СССР-лэн Кун премиеныз, улӥз но ужаз Киевын, кулэмез бере отын ик ватэмын.

Удмурт Дунне
By Удмурт Дунне Апрель 12, 2018 11:53