Ныл рота но мон

Удмурт Дунне
By Удмурт Дунне Апрель 28, 2018 14:36

Тулыс. Шунды. Шуныт. Инкуазь улӟе кезьыт тол бере. Озьы ик вузъёсын но кутско дасяськыны бадӟым шулдыр ужрадлы — «Студентъёслэн тулыссылы».

Удмурт кылосбуръя, финно-угроведениея но журналистикая институтмы пуктӥз «Женская рота» постановка.

26-тӥ южтолэзьысен быдэс арня ӵоже Удмурт кун университет аслаз сцена вылаз бичаз быгатӥсь егитъёссэ. Татын возьмато пӧртэм сценкаосты, эктонъёсты. Котькуд институтлэн номеръёсыз герӟасько кыӵе ке но валтӥсь малпанэн. Кылсярысь, туж кельшизы экономистъёс. Соос возьматӥзы нылпи садэз — «Хочу быть как Паша», нош дизайнеръёс пуктӥзы «Тайна третьей планеты» мультфильм.

Милям удмурт кылосбуръя, финно-угроведениея но журналистикая институтмы пуктӥз «Женская рота» постановка. Сценариез вал таӵе: куке но вань нылъёс армие ветлозы. Но со азьын кадет корпусын дышетско. 2028-тӥ ар — удмуртско-журналистской рота… Тӥляд юанды кылдӥз, дыр, мар пиос каризы кышномурт ротаын? Верасько: ми шудӥмы нылъёслэсь туганъёссэс, пуктӥмы СТЭМ — пичи серемес постановка.

Мар гинэ ми ӧм каре сцена вылын — кесяським, жугиським, кырӟам, эктӥм, бызьылӥм, кыллим, одӥг кылын, возьматӥм, кызьы уло кадет корпусын но кызьы ныл солдатъёс командае бичасько, ог-огзэс кылзыны но валаны кутско.

Озьы ӝог ортчиз быдэс арня. Вань институтъёс возьматӥзы, мар соос быгато, мар тодо. 1-тӥ инты басьтӥз  социальной коммуникациосъя институт, 2-тӥ инты — математикая, физикая но информационной технологиосъя институт, 3-тӥ инты — экономикая но управлениея институт.

Мон малпасько, эшшо быдэс арлы тырмозы «студентъёслэн тулыссы» сярысь тодэ ваёнъёс. Со вал сыӵе ик яркыт но шуныт, кыӵе ачиз тулыс!

Андрей Клабуков

 

 

Удмурт Дунне
By Удмурт Дунне Апрель 28, 2018 14:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*