Кыӵе ужрадъёс ортчытэ Йӧскалык библиотека «Библиоуе»?

Удмурт Дунне
By Удмурт Дунне Апрель 16, 2018 12:20

18-тӥ-21-тӥ оштолэзе Россиын ортчоз «Библиоуй» фестиваль. Уйинозь шаерысьтымы библиотекаосын но ортчозы кылбур лыдӟонъёс, писательёсын пумиськонъёс, книгаен тодматсконъёс.

21-тӥ оштолэзе аслаз ужрадъёсаз ӧте Йӧскалык библиотека. Нылпиослы но быдэ вуымтэослы элькун библиотекаын (Пушкинской урам, 200-тӥ юрт), 10 час ӝытозь мынозы диафильмъёс, вань мылкыд карисьёс тодматскозы старославянской кылэн, гожъяськонэн. Шаертодонъя библиотекаын (Удмуртской урам, 264-тӥ юрт) 15 часысен ортчытозы Кузебай Гердлы но Ашальчи Окилы сӥзем шудон. Нимаське со «Шедьты Гердлэсь сандыксэ». Нош сукыръёс но ляб адӟисьёс (библиотеказы интыяськемын Ломоносов ульчаын, 9-тӥ юртын) вуылозы Удмурт театре, книгаосын тодматскозы.

Кыӵе ужрадъёс ортчозы ёросъёсады, вазиське асьтэ библиотекаосады.

Мария Иванова

Туспуктэм: udmdunne.ru

Удмурт Дунне
By Удмурт Дунне Апрель 16, 2018 12:20