Бадӟым удмурт диктантэз янгыштэк гожтӥз 85 адями

Удмурт Дунне
By Удмурт Дунне Апрель 25, 2018 16:53

Бадӟым удмурт диктантэз янгыштэк гожтӥз 85 адями

Диктантлы йылпумъянъёс лэсьтэмын вал туннэ, 25-тӥ оштолэзе, «Мынам Удмуртие» радиолэн меӵак эфираз.

Акцие оглом пыриськизы 2 сюрс 500-лэсь ятыр муртъёс. Тодады вайытом, кылем арын диктантэз гожтӥзы 800 пала адямиос. Туэ площадкаос но тросгес усьтэмын вал: 100-лэсь уно Удмуртиын но бускель улосъёсын.

Кызьы вера Удмурт кун университетысь тодосчи Ольга Стрелкова, туэ трос янгышъёс пумиськизы собственной нимъёсты гожтыку, котьку сямен — прямой речьын но, адямиос озьы ик сурасько, «э», «е», «и» но «ӥ» букваосты гожтыкузы.

Вераны кулэ, «Удмурт дунне» газет та акцие быдэс редакциен пыриськылэ. Туэ йылпумъянъёсты учконо ке, диктантэз ваньмы 90 балллэсь трослыгес гожтӥськеммы.

Радио пыр гожтэмъёс асьсэ баллъёссэс учкыны быгато «Мынам Удмуртие» ТРК-лэн вотэс бамысьтыз.

Мария Иванова

Туспуктӥз Максим Егоров

 

Удмурт Дунне
By Удмурт Дунне Апрель 25, 2018 16:53