Александр Бречалов вуылӥз Кузебай Герд нимо гимназие

Удмурт Дунне
By Удмурт Дунне Апрель 18, 2018 20:31

Туннэ Удмуртилэн Тӧроез Александр Бречалов вуылӥз К.Герд нимо гимназие, со тодматскиз дышетскон условиосын, котырскиз школаетӥ но, нылпи садэтӥ но.

Выль директор Татьяна Волкова сюлмаськонъёссэс ӧз ваты: кылсярысь, кемалась вия ни школалэн липетэз, уг тырмо компьютеръёс, мукет ужан тӥрлык… Тӧро, югдурен тодматскемез бере, шуиз: тыршом луонлыкъёс утчаны, К.Гердлэн 120 аръем юбилей араз солэсь нимзэ нуллӥсь школа таӵе югдурын ужаны кулэ овӧл.

Собере А.Бречалов пумсиькылӥз “Удмурт Кенеш” огазеяськонлэн азьветлӥсьёсыныз.
Юанъёс, котьку сямен ик, удмуртлыкез утёнэн но азинтонэн герӟаськемын вал.

Удмурт культурая центр 2020-тӥ арлы одно ик вуыны кулэ, — шуиз Тӧро. — Но азьвыд малпанъёсмес воштоно луиз, малы ке шуоно экспертъёс лыдъямъя, В.Короленко нимо театрлэсь вуж юртсэ тупатъяны уксё куштэм интые, эсьма, выльзэ ӝутод. Соин ик ӝоген со куашкатэмын луоз, интыяз выль проектъя Удмурт центр ӝутӥськоз.

Туж бугырес вераськон радъяськиз “Мынам Удмуртие” телекампания котыр. Угось калык ӝожтӥське, анай кылын мынӥсь программаос кулэсмо яке выльёссэ кылдытэм интые ялан вужъёссэ бергато шуыса. Но телекомпанилэн кивалтӥсьёсыз верамъя, ваньмыз умой ук, мар токма пӧсекъяськоды? — соку ик ӧз оскы А.Бречалов. -Передачаослэн ӟечлыксыя юанъёс ӧвӧл, но малы ке соосты учкисьёс ӧжыт! Егитъёс воксё но уг учко… Удмурт вещание пумысен А.Бречалов юрттӥсьёссэ нимысьтыз кенешон ортчытыны косӥз на.

Кызьпу арамаез выльдон, удмурт праздникъёс ортчытон но мукет юанъёс сётэмын вал кивалтӥсьлы. Куд-огезъя югдур сайкиськиз, но куд-огезъ
я валамтэос кылизы…

Удмурт Дунне
By Удмурт Дунне Апрель 18, 2018 20:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*