Якшур-Бӧдья ёросын ортчиз Удмуртиысь пенсионеръёслэн тол спартакиадазы

Удмурт Дунне
By Удмурт Дунне Март 5, 2018 11:06

Юнме уг верало вылэм, пенсие потыса, улон кутске гинэ ай шуыса. Шаерысьтымы арлыдоос кужымзэс мертазы Удмуртиысь пенсионеръёслэн тол спартакиадаязы. Туэ со 3-тӥзэ радъяське ни.

Ӵошатскон огазеяз Удмуртиысь 28 районъёсысь но городъёсысь 348 арлыдо спортсменъёсты.

Спортсменъёсты пумитаз Якшур-Бӧдья ёрос. Спартакиадаез усьтыны вуизы Тӧролэн но Правительстволэн администрациенызы кивалтӥсь Сергей Смирнов, Якшур-Бӧдья ёрослэн йырыз Андрей Леконцев, Удмуртиысь мугорез кыдатонъя, спортъя но егитъёсын ужан политикая министрлэсь ужзэ быдэсъясь Наталья Гольцова, Удмуртиысь Ветеранъёслэн огазеяськонзылэн тӧроез Геннадий Крюков но мукетъёсыз.

Ӵошатскон огазеяз Удмуртиысь 28 районъёсысь но городъёсысь 348 арлыдо спортсменъёсты. Одӥг муниципал кылдытэт быгатэ келяны 12 муртэ — воргоронъёс 60 арессэс ортчемын луыны кулэ, нылкышноос — 55-сэс. Пенсионеръёс кужымзэс мертазы 4 удысын: куасэн но конькиен бызьылонын, дартсын, шашкиен шудонын.

Нырысьсэ спартакиада люкаськиз вал Сарапулын. Отчы соку 280 мурт вуиз. Вуоно араз ӵошатскисьёсты люказ Красногорск черкогурт. Татчы 5 городысь но 23 ёросысь делегациос вуизы ни — ваньмыз 302 адями. Пӧлазы вал туж йӧно спортсменъёс но — СССР-ысь дано тренер 81 аресъем Рудольф Чебышев но 77 аресъем Сталина Деришева. Соосты нимысьтыз данъязы но кузьымъёсын пусйизы.

Табере районлэн сборнояз сюрон понна арлыдо спортсменъёслы зол сюлмаськоно луэ. Огазеям командае басьто ёросын ортчылӥсь ӵошатсконъёсын вормисьёсты гинэ. Нош республикаын вормем спортсменъёслы сюрес усьтӥське Россиысь пенсионеръёслэн спартакиадаязы.

Туэ, 4 удысъя ӵошатскыса, ёросъёс пӧлын вормизы шарканъёс, 2-тӥ луизы пичи пургаос, 3-тӥ — дэриос. Городъёс пӧлын вормизы глазовъёс. Ижевск луиз 2-тӥ, Воткинск — 3-тӥ.

Гужем спартакиада ортчоз августэ Сарапулын.

Елена Скворцова

Удмурт Дунне
By Удмурт Дунне Март 5, 2018 11:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*