Удмуртиын ортчиз нюлэсъёслы сӥзем нырысетӥез форум

Удмурт Дунне
By Удмурт Дунне Март 28, 2018 09:42

Иже вуылӥзы Кун Думаысь инкуазь узырлыкъя, ваньбуръя но музъем кусыпъёсъя комитетлэн кивалтӥсез Николай Николаев, Россиысь инкуазь узырлыкъя но экологияя министрлэн воштӥсез Иван Валентик. Котырес ӝӧк сьӧры люкаськылӥзы, Удмуртиысь сяна, Татарстанысь, Чувашиысь, Москваысь, Санкт-Петербургысь, Приморьеысь но мукет улосъёсысь нюлэсэн ужась предприятиослэн кивалтӥсьсы, ужбергатӥсьёс. Соос вераськизы, кызьы нюлэсэз утёно, уже кутоно, кыӵе законъёс уг тырмо та удысын.

Форумын 5 темаосъя секциос ужазы. «Россиысь нюлэс удыс» секциын вераськизы нюлэсэз поттонын тырмымтэос сярысь. Кылсярысь, «Увадрев-Холдинг» предприятилэн кивалтӥсезлэн воштӥсез Андрей Мымрин шуиз, али кунмы уг тоды, кӧня солэн тэлез, угось берлозэ 20 ар талэсь азьло нюлэсъёсты лыдъямын. Озьы ик асьме дорын укыр трос, пе, нимысьтыз утёно интыосын лыдъяськись нюлэсъёс. Соос туж кемалась кылдытэмын ни, дыр вуэмын соосты эскерыса потыны но валэктыны, зэм ик-а туннэ соосты утьыны кулэ.

Форум дыръя пӧртэм докладъёс чузъяськизы.

«Нюлэс узырлыкъёс — адямилы» секциын тэльын будӥсь емышез, губиез, мульыез Россиын но палэнын вузан пумысен вераськизы. Гуртъёсты азинтонъя департаментысь Владимир Цой шуиз: нюлэсъёсамы ог 20 миллион мында узырлык будэ, но асьмеос со ваньбурез 7 миллион манет тыр гинэ поттӥськом. Озьы ик В. Цой вераз тэльын будӥсь емышъёсты, мульыосты октонэн вырись адямиослы грантъёс сётъян сярысь.

Нюлэсо шаерын адямиос эстӥськыны, лэсьтӥськыны тэль поттыны уг быгато, шуиз Сьӧлта ёросысь депутатъёслэн кенешенызы кивалтӥсь Александр Однолько. Та югдурез воштон понна со ӵектонэн потӥз: нырысь ик нюлэсэз лыдъяно, гуртоослы тэль люкылоно бадӟым предприятиослы арендае сётэмлэсь азьло. Угось али арлы сётӥськиз тэлез нырысь ик предприятиослы люкыло, кылемзэ — адямиослы.

Форум дыръя ик Удмуртилэн Тӧроез Александр Бречалов но Санкт-Петербургысь Товарно-сырьевой калыккуспо биржалэн президентэз Алексей Рыбников огкыл гожтӥзы.

Форумын чузъяськем юанъёс, ӵектонъёс верамын луозы Москваын йылпумъян ужрад дыръя. Но солэсь азьвыл таӵе форумъёс ар ӵоже ортчозы на Петрозаводскын, Тюменьын, Барнаулын, Хабаровскын.

Форум дыръя ик Удмуртилэн Тӧроез Александр Бречалов но Санкт-Петербургысь Товарно-сырьевой калыккуспо биржалэн президентэз Алексей Рыбников огкыл гожтӥзы. Та докумет нюлэсэз поттыны но солэсь лэсьтэм вузъёсты палэнэ пайдаёгес вузаны луонлык сётоз, та удысын ужась предприятиослэсь лыдзэс будэтоз.

Ангелина Снигирёва

Туспуктэм: udmurt.ru

Удмурт Дунне
By Удмурт Дунне Март 28, 2018 09:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*